भारतीले पुनः शुरु गरिन् रिले अनसन

काटमाडौं । भारती मानन्धरले दशैँ सकिएसँगै पुनः रिले अनसन शुरु गरेकी छन् ।

श्रीमानको हत्या गरेको आरोपमा थुनामा रहेका गुण्डा नाइके रिगल भनिने योगराज ढकाललाई संविधान दिवसको अवसरमा आममाफी दिएपछि प्रतिवादमा उत्रिएकी नेपालगञ्जकी मानन्धरले पुनः रिले अनसन शुरु गरेकी हुन् ।

श्रीमान चेतन मानन्धरको हत्या अभियोगमा जेल परेका रिगललाई गत असोज ३ गते सरकारको सिफारिसमा राष्ट्रपति रामचन्द्र पौडेलले आममाफी दिएपछि पिडितका परिवारले मात्रै होईन, सर्बसाधारणबाट पनि यसको ब्यापक बिरोध हुदै आएको छ ।

भारतीले आजबाट पुनः माईतीघर मण्डलामा रिले अनसन शुरु गरेकी हुन् । २०७२ सालको असारमा दुई समूहबीच आपसी विवाद हुँदा बाँके नेपालगञ्जका चेतन मानन्धरको हत्या भएको थियो ।

यसै बिच गुण्डा नाइके रिगल बिरुद्द परेको उजुरीमा सम्मानित सर्बोच्च अदालतले यही कार्तिक १४ गते पेशी तोकेको छ ।