काठमाडौं । आफ्नो परवाह नगरी युद्दरत क्षेत्रको सुचना बाहिरी दुनियालाई जानकारी गराउने पत्रकारहरु दुबै पक्षबाट उत्तिकै जोखिममा हुन्छन् । यसको पछिल्लो उदाहरण बनेको छ, गाजामा भएको इजरायली हमास हमला । यस क्षेत्रमा थप तीन पत्रकार मारिएका छन् । गाजामा एक प्रमुख मिडिया संस्थाका प्रमुख र दुई अन्य पत्रकार सप्ताहन्तमा मारिएको उनीहरूका आफन्तहरूले रोयटर्स् समाचार एजेन्सीलाई बताएका छन् । बितेका ६ हप्ताको लामो द्वन्द्वमा मारिएका दर्जनौं पत्रकारहरूमा थप दुईजना थपिएका छन् ।

आइतबार मात्रै बेलाल जदल्लाह, एक पत्रकार र प्रेस हाउस-प्यालेस्टाइनं (एक गैर सरकारी संस्था) को बोर्ड प्रमुख मारिएका छन् भने उनको फार्मासिस्ट भाइ गम्भीर घाइते भएको उनकी बहिनीले रोयटर्सलाई जानकारी दिइन् ।

जदल्लाह बाहेक दुई स्वतन्त्र पत्रकारहरू हसौना स्लीम र सारी मन्सुर शनिबार गाजा पट्टीको केन्द्रमा रहेको बुरेज शरणार्थी शिविरमा इजरायली आक्रमणमा मारिएका थिए, उनीहरूका आफन्त र प्यालेस्टिनी स्वास्थ्य अधिकारीहरूले भने । सो घटनामा परी १७ जनाको मृत्यु भएको स्वास्थ्य अधिकारीहरुले बताएका छन् ।

न्यूयोर्कमा रहेको कमिटी टु प्रोटेक्ट जर्नालिस्टले अक्टोबर ७ इजरायलमा हमासको आक्रमण र त्यसपछिको इजरायली आक्रमणपछि यस क्षेत्रमा मारिएका पत्रकार र सञ्चारकर्मीको सङ्ख्या ४८ पुगेको पुष्टि गरेको छ ।

सिपिजीको सूची द्वन्द्वको दुबै पक्षमा मारिएका पत्रकारहरूलाई समावेश गर्दछ यद्यपि अधिकांश गाजामा छन्, यसले प्रत्येक मृत्यु प्रमाणित गर्न कम्तिमा दुई स्रोतहरू खोजेको छ ।