काठमाडौँ । काठमाडौँको बल्खुमा दुर्गा प्रसाईंको ‘राष्ट्र, राष्ट्रियता, धर्म, संस्कृति र नागरिक बचाउँ महाअभियान’को प्रदर्शनमा राप्रपा सांसद तथा लोकप्रिय युवा नेता ज्ञान बहादुर शाही पुगेका छन् ।
Advertisement
प्रदर्शनमा राप्रपा सांसद तथा लोकप्रिय युवा नेता ज्ञान बहादुर शाही पुगेकोमा प्रसाईले खुशी हुदै अंकमाल गर्दै स्वागत गरेका थिए ।
केहिबेर अगाडी बल्खुमा प्रहरीले प्रदर्शनकारीमाथि अश्रुग्यास प्रहार गरेको छ ।
प्रसाईंलाई प्रदर्शन गर्नका लागि बल्खु तोकिए पनि उनीहरू कालिमाटीतर्फ लाग्न खोजेपछि प्रहरीले उनीहरूलाई रोकेको थियो । प्रहरीले रोकेपछि त्यहाँ झडप सुरु भएको थियो । प्रहरीले आन्दोलनकारीमाथि पानीको फोहरा समेत प्रहार गरेको छ ।
प्रदर्शनकारीलाई प्रहरीले बल्खुमा नै रोकेको छ । कालिमाटीतर्फ अघि बढेको आन्दोलनकारीको गाडीको साँचो पनि प्रहरीले खोसेको छ । यता प्रदर्शनकारीले प्रहरीमाथि ढुंगा प्रहार गरिरहेका छन् ।
यसअघि सोही स्थानमा प्रसाईं समूह र युवा संघका कार्यकर्ताबिच झडप भएको थियो ।
