काठमाडौं । इण्डियन आइडल सिजन-१४ मा प्रतिस्पर्धा गरिरहेकी नेपाली गायिका मेनुका पौडेललाई इण्डियन आइडलको स्टेजमा नै बिभिन्न अफरहरु आउने, उनको प्रस्तुतिमा जजहरु स्वयं रुने आदी घटनाहरु सामान्य जस्तै बनिसकेका छन् । पछिल्लो प्रस्तुतिमा भने, भारतका प्रसिद्द नायक रणविर कपुरले मेनुकाको पाउ छुदै, “देवी” भन्दा माहौल नै स्तब्ध भएको थियो ।

यसअघी इण्डियन आइडलमा प्रतिस्पर्धा गरिरहेकी नेपाली गायिका मेनुका पौडेललाई फिल्मको अफर आएको थियो । उक्त शोको दिपावली विशेष एपिसोडमा एक गेस्टले उनलाई फिल्ममा अभिनय र गायनको प्रस्ताव राखेका थिए ।
मेनुकाको गायकीबाट प्रभावित भएर उनले इण्डियन आइडलको स्टेजमा भनेका थिए, “एउटा फिल्म जो जुन लामो समयदेखि बनाउने तयारी छ । एक गायिका जसले आफ्नो स्वरबाट सबैको मन जित्छिन् र देख्न सक्दिनन् । त्यो फिल्म ‘लभ एट फस्ट साउण्ड’को कथावस्तुमा आधारित हुनेछ ।”

त्यतिबेला इण्डियन आइडलको मंचमै फिल्मको प्रस्ताव आएपछि मेनुकालाई दिपावलीको राम्रो उपहार मिलेको भन्दै सर्वत्र प्रशंसा भैरहेको थियो । फिल्मको प्रपोज भएपछि जज् पनि खुशि भएर ताली बजाएका थिए ।

सुमधुर स्वरकी धनि मेनुकालाई कतिपय भारतीय संचारमाध्यमले लता मंगेशकरको आवाजसँग मेनुकाको आवाज तुलना गरिरहेकी छन् ।