झापा । राप्रपा पार्टीद्वारा पुर्व निर्धारित झापाको बिर्तामोडमा भएको आजको कार्यक्रममा, विभिन्न सांस्कृतिक झाँकीसहित राजा ज्ञानेन्द्र शाहलाई भब्य स्वागत गरिएको छ । सो क्रममा उपस्थित जनसमुदायले राजा आउ देश बचाउको नारा लगाएका थिए । ठाउँठाउँमा नाराबाजीपछि पूर्वराजा कार्यक्रमस्थलमा पुगेका थिए ।
पूर्वराजा बिर्तामोडको पञ्चकन्यास्थित इकम कलेजको उद्घाटन तथा पृथ्वी नारायण शाहको शालिक अनावरण कार्यक्रममा सहभागी भएका हुन् । राप्रपाका अध्यक्ष लिङ्देन सोही कार्यक्रमको तयारीका लागि एक डेढ सातादेखि पूर्वी नेपालमा थिए ।
राजा ज्ञानेन्द्र शाहले झापामा आज विशेष सम्बोधन गर्ने भएका छन् । झापाको बिर्तामोडमा आयोजित पृथ्वीनारायण शाहको शालिक अनावरण कार्यक्रममा राजा शाहले विशेष सम्बोधन गर्न लागेका हुन् ।
उक्त कार्यक्रममा सहभागी हुन् राजा शाह शुक्रबार नै झापा पुगेका छन् । राजा शाहले आज दिउँसो बिर्तामोडस्थित ईकम कलेजमा स्थापना गरिएको पृथ्वीनारायण शाहको सालिक अनावरण गर्नेछन् ।
यता काठमाडौंमा भने दुर्गा प्रसाईं समूहले राजतन्त्रको मागसहित आन्दोलन गरिरहेको छ । प्रसाईंको प्रदर्शन चलिरहेका बेला झापामा औपचारिक कार्यक्रममा शाह सहभागि हुन लागेका हुन् ।
यसै सम्बन्धमा राप्रपा प्रबक्ता मोहन श्रेस्ठले आफ्नो फेसबुकमा लेखेकाछन्, “राजाले भिड देखेर बोलिहाल्ने कुरा हॅुदैन । सम्भवत: राजाले आज झापामा पनि बोल्नुहुन्न । राजालाई बोल्न उक्साउने, राजालाई विवादमा तान्न खोज्नेहरु राजसंस्थाका शुभचिन्तक नहुन पनि सक्छन्। राष्ट्रवादी हुन सजिलो छ, राष्ट्रवादी भएर बॅाच्न गाऱ्हो छ” ।
