काठमाडौं । काठमाडौंको भृकुटीमण्डपमा अाजबाट ‘आठौँ रियल इस्टेट एक्स्पो २०२३’ आयोजना हुने भएको छ ।
नेपालमा आवास तथा जग्गा विकासकर्ताहरूको प्रतिनिधित्व गर्ने मुख्य संस्था नेपाल जग्गा तथा आवास विकास संघले पुस अाजदेखि पुस १५ सम्म रियल इस्टेट एक्स्पो सञ्चालन गर्न लागेको हो ।
यस पटकको मेलाले सर्वसाधारण सबैमा घरजग्गा ब्यवसायको वर्तमान अवस्था तथा यसका समस्या र समाधानका उपायसहित भावी अवसरका विषयमा समुचित सूचना तथा जानकारी उपलब्ध गराइ व्यवसायलाई समय साक्षेप विकास एवं विस्तार गर्न थप योगदान पुऱ्याउने अपेक्षा गरिएको छ।
नेपालमा घरजग्गा बजार र घर खरिदकर्ताहरूलाई लक्षित गरी यो एक्स्पो हन लागेको भए तापनि यसले रियल इस्टेट क्षेत्रको सम्पूर्ण क्षेत्र कम्पनीहरूसहित राष्ट्रिय र अन्तर्राष्ट्रिय प्रदर्शकहरू समेतको सहभागिता हुनेछ । व्यावसायिक र व्यापारिक सम्पत्ति, वास्तुकला, निर्माण, भवन, इन्जिनियरिङ, बैंकिङ र बीमा एक्स्पोमा अपार्टमेन्ट र टाउन हाउस कम्प्लेक्स, घडेरी जग्गा, बत्ती तथा विद्युतीय फिक्स्चर, फर्निचर र पनि उपलब्ध गराइनेछ ।
आठौँ पटकको मेलामा स्वदेशी तथा विदेशी प्रदर्शकहरूले आ-आफ्ना सेवा तथा उत्पादनहरूको प्रदर्शन गर्नेछन् । यस मेलामा भूकम्प प्रतिरोधी घर तथा अपार्टमेण्ट, जग्गा योजना तथा विकास, निर्माण सामग्रीका उत्पादक तथा विक्रेता, इन्जिनियरिङ तथा आर्किटेक्चर कन्सल्ट्यान्टका साथै बैंक र बीमा कम्पनीहरु सहभागी हुनेछन् ।
यस एक्स्पोमा उपभोक्तालाई आफ्नो छनोट अनुसार उपयुक्त मूल्यमा आवास, जग्गा र व्यवस्थित बनाउन उपयोगी हुने अपेक्षा गरिएको छ ।
