काठमाडौं । संविधान कसले मान्नु पर्ने हो ? निरिह जनताले मात्रै हो र ? जन प्रतिनिधिहरु जसले यसै संविधानमा टेकेर चुनाव लड्ने, जित्ने अनि, चुनाव जिते पछि भो म संविधान मान्दिन भन्न मिल्छ र…? यि यावत प्रश्नको जवाफ को संग छ ?
पटक-पटक विवादमा परिरहन रुचाउने धरानका मेयर हर्क साङ्पाङले पुन यस्तै विचार ब्यक्त गरेका छन, सामाजिक संजाल फेसबुक मार्फत । हालै उनले यस्तै म, राष्ट्रपती र प्रधानमन्त्रीको फोटो मेरो कार्यकक्षमा राख्दिन बरु यलम्वरको फोटो राख्छु भन्दै सामाजिक संजाल तताएका छन । जसको एउटा कमेन्ट,”स्वतन्त्र निर्वाचित मेयर हो तपाईं तर संविधानले बाधिनुभएको छ। याद गर्नु पानी पनि उम्लियो भने पोखिन्छ” भन्ने कमेन्टको जवाफमा उनले, “त्यो मुला संबिधान” लेखेका छन् ।
आज विहान ५ः१० सम्ममा उनको त्यो पोस्ट १३८००+लाईक, ३६००+कमेन्ट र १९१ सेयर भै सकेको छ ।
संविधानको पालना गर्दिन भन्नु र त्यसै संविधानले दिएको पदमा बस्नु कत्तिको जायज हुन्छ, यो सामान्य नैतिकताको कुरा भयो भने, अर्को तर्फ के राज्य जनप्रतिनिधीको छाडा पनमा मुक दर्शक बन्ने हो सवाल यहांनिर छ । हामि सबैले हेर्न पर्ने र बुझ्न पर्ने कुरा भनेको यहां कानुन बलियो हो कि जन-प्रतिनिधी ।
