काठमाडौँ। नेपाल सरकारले चालु आर्थिक वर्षको पहिलो चार महिनामा ८१ अर्ब ६४ करोड ४४ लाख ऋण भुक्तानी गरेको छ ।

चालु आर्थिक वर्षको पहिलो चौमासिक अवधिमा रू ५७ अर्ब ७१ करोडभन्दा बढी सार्वजनिक ऋण थपिएको छ ।

गत असार मसान्तसम्ममा कूल रू २२ खर्ब ९९ अर्ब ३५ करोड २४ लाख  थियो भने कात्तिक मसान्तसम्ममा कुल ऋण रू २३ खर्ब ५७ अर्ब छ करोड पुगेको छ।

गत कात्तिक मसान्तसम्म नेपालले तिर्न बाँकी आन्तरिक ऋण रू ११ खर्ब ८३ अर्ब ५७ करोड २१ लाख रहेको छ भने तिर्न बॉकी बाह्य ऋण रू ११ खर्ब ७३ अर्ब ७९ करोड ६६ लाख रहेको छ।

चालु आवको ४ महिनामा सरकारले आन्तरिक ऋणको साँवाब्याज भुक्तानीमा रू ६५ अर्ब ४५ करोड ८३ लाख र बाह्य ऋणको साँवाब्याज भुक्तानीमा रू १६ अर्ब १८ करोड ६१ लाख बराबर भुक्तानी गरेको छ ।