काठमाडौं । प्युठानको झिमरुक गाउँपालिका-३, कुटेडाँडामा रहेको बालज्योति आधारभूत विद्यालयमा कक्षा ४ मा पढ्ने ११ बर्षीय छात्रा आशा कुमारी विकले चार दिनको छुट्टी मागिन, स्कुलमा । कारण के रहेछ भने कोदो पाकेको र भित्र्याउने बेला भएको । समयमानै नकाटे वांदरले खाईदिने पिर रहेछ उनलाई । घरमा हुनुहुन्छ ८४ वर्षकी हजुरआमा मात्र । उमेरले भन्दा पनि व्यवहारले मान्छेलाई पांको बनाउछ भनेझै, उनले निर्णय गरिन, स्कुल छुट्टी लिने र पाकेको कोदो भित्र्याउने ।

यता प्रधानाध्यापक शंकरबहादुर बस्नेतले, यति लामो बिदा किन लिईन भनेर सोधखोजी गर्न थाले । सोध्दै जादा थाहा लाग्यो, कोदो काट्न विदा मागेको रहिछिन् । तत्कालै शिक्षकहरुलाई बोलाए र सबै मिलेर एउटा मिलेर जुक्ती निकाले । शुक्रबार विद्यालयको अतिरिक्त क्रियाकलापअन्तर्गत शिक्षक र विद्यार्थी सबै मिलेर उनको बारीको कोदो काटिदिने । जसले गर्दा बादरले कोदो खाईदिने आशाको पीर पनि हट्यो, विध्यालय पनि छुटेन हप्तौ लाग्ने काम एकै दिन सकियो ।

अशक्त हजुरआमा, बिरामी भएकी कान्छी आमा, उपचारका लागि भारतमा मजदुरी गर्दै आएका श्रीमान कहाँ गएको र घरको सम्पुर्ण जिम्मेवारी आशाकै काँधमा रहेको हुँदा सबै जना मिलेर सहयोग गरेको प्रधानाध्यापक बस्नेतले बताउनु भयो ।