काठमाडौं । बैंक तथा वित्तीय संस्थाहरूले खर्च कटौतीका उपायहरू खोज्न थालेका छन् ।

पहिलो त्रैमासको वित्तीय विवरणको रिजल्टले पनि खर्च घटाउनुपर्ने बाध्यता भएको नेपाल बैंकर्स संघका अध्यक्ष सुनिल केसीले बताए ।

एटीएमदेखि आईटी तथा आउट सोर्सिङ सेक्युरिटी घटाउने पनि कुरा चलिरहेको उनले बाह्रखरीसित बताए ।

“एटीएम सेभिङदेखि हामी अन्य छलफलमा पनि छौँ । पहिलो त्रैमासको रिजल्टले पनि हामीलाई खर्च घटाउन पर्ने स्थिति देखिएको छ । नाफा घटेको छ । आइटीको कस्टहरू, सेक्युरिटी आउट सोर्सिङका कुराहरू पनि छन्,” उनले भने, “बैंकहरूले आफ्नो हिसाबले पनि तयारी गरिरहेका होलान् । तर, कसरी खर्च कटौती गर्न सकिन्छ भनेर सुरुआती चरणमा छलफल भएको छ । कुनै–कुनै कुरा त बैंकहरूले पनि गरिरहेका छन् । निर्णय नै भइसकेको अवस्था चाहीँ हैन ।”