झापा । समाजमा सम्मान त्यसै कहां पाईन्छ र, कर्मले दिने हो । यस्तै कर्मले सम्मान पाईने पेशा हो शिक्षक पेशा । शिक्षक पेशा सजिलो पक्कै छैन, तर सम्मानित अवश्य छ ।
यस्तै कर्मले सम्मान पाउने शिक्षिका हुनुहुन्छ, गङ्गामाया तामाङ्ग । उहाँ झापाको श्री दीपेन्द्र आधारभुत विद्यालयकी बाल शिक्षिका हुनुहुन्छ । करिब एकदशक देखि शिक्षण पेशामा आबद्ध उहां शिक्षक मात्रै कहां हो र, अभिभावक नै बन्नुभएको छ । उहाँले आफ्ना सानासाना निम्न बर्गका बिधार्थीहरुलाई अभिभावककै रूपमा भुमिका निर्वाह गर्दै आउनुभएको छ ।
उहाँले कहिले विद्यार्थीहरूलाई विद्यालयमा नुहाईदिएर सफा बनाइदिनुहुन्छ भने कहिले जाडोमा न्यानो कपडाको व्यवस्था मिलाइ दिनुहुन्छ । उहाँ घर-घरमा जाने र पढ्नबाट बन्चित बालबालिकाहरुको अभिभावकलाई पढ्नबाट कोहि बन्चित हुनुहुँदैन भनेर पढाइको महत्त्व बुझाइदिनुहुन्छ । त्यसैले त उहां जस्तै असल शिक्षकलाई, शिक्षक मात्रै कहां हो र, बा भनिन्छ, आमा भनिन्छ, साथी भनिन्छ……के के, के के भनिएको होला । शिक्षक र शिक्षा राज्यका ननासिने सम्पत्ती हुन, राज्यले कहिले बुझ्ने ।
