काठमाडौं । राज्यले चिन्न नसकेको निक्कै मर्यादित र आत्म गौरबको पेशा हो शिक्षक । जनस्तरबाट त शिक्षा र शिक्षक पेशा प्रतिको माया र लगाव कहां घटेको छ र । बिबिध पेशामा आबद्द भएपनि शिक्षक बन्ने भोक नमेटिदा, पहिलेको पेशा छाडेर शिक्षा क्षेत्रमा फर्कने क्रम बढिरहेको छ । यस्तै अर्का शिक्षा प्रेमी हुनुहुन्छ, घोराही १८, दाङका: पहल बहादुर खड्का ।
२०६५ सालमा नेपाली सेना सिपाही पदबाट नेपालको सरकारी सेवाको सुरुवात गर्नुभयो । २०७१ सालमा उपदान लिएर छोड्नुभयो । २०७१ देखि २०७४ सम्म कतारमा सिनियर सेक्युरीटी अपरेटर भएर काम गर्नुभयो ।
२०७५ मा नेपाल फर्केर पुनः अंग्रेजी विषयमा एमएडको पढाई सुरु गर्नुभयो । २०७६ मा माध्यमिक, निम्नमाध्यमिक र प्राथमिक तिनै तहको अध्यापन अनुमतिपत्र प्राप्त गर्नुभयो ।
२०७९ मा आफ्नो पहिलो प्रयासमा शिक्षक सेवा आयोगले लिएको माध्यमिक तह तृतीय श्रेणी अंग्रेजी विषयको खुला प्रतियोगितात्मक परीक्षामा लुम्बिनी प्रदेशबाट वैकल्पिक तथा निम्नमाध्यमिक तहको अंग्रेजी विषय लुम्बिनी प्रदेशबाट सिफारिस हुनुभयो । हालै २०८० मा माध्यमिक तह तृतीय श्रेणी अंग्रेजी विषयको शिक्षक पदको खुला प्रतियोगितात्मक परीक्षामा उत्तीर्ण भइ लुम्बिनी प्रदेशबाट ३ नम्बरमा सिफारिसमा पर्नुभएको छ ।
कान्तिपथ अनलाईन शिक्षा र शिक्षक पेशालाई राज्यले उपल्लो श्रेणीमा राख्नु पर्छ भन्ने चाहन्छ । यसका लागी कान्तिपथ अनलाईनले, शिक्षा र शिक्षकसंग जोडिएका सामाजिक सन्देश दिने यस्ता उदाहरणहरु सधै खोजिरहन्छ । तपाईहरुसंग पनि यस्ता सुचना जानकारी वा कुनै घटना छन् भने हामिलाई पठाउनु होला । हामि त्यसलाई समाजका हरेक क्षेत्रमा पुर्याई मिठो सन्देश छर्ने कोशिस गर्नेछौं ।
