काठमाडौँ । पछिल्लो समय नेपाली युवा पुस्ता माझ बलियो परिचय बनाएको छ एन्टर्क स्कुटरले । नेपालका लागि टीभीएस कम्पनीको आधिकारिक वितरक जगदम्बा मोटर्सले १ लाख एन्टर्क स्कुटर बिक्री गरेको छ।
१ लाख थान स्कुटर बिक्री भएको उपलक्ष्यमा जगदम्बाको आयोजनामा एनओजी राइड सम्पन्न भएको छ।
माघ २७ गते शनिबार आयोजना भएको उक्त एनओजी राइड टीभीएसको नक्साल शोरुमबाट शुरु भएर शिवपुरीको द ग्रीनभ्याली रिसोर्टमा पुगेको थियो।
राइडमा उपस्थित करिब १०० राइडरबीच परिचय र अनुभव आदानप्रदान गरिएको थियो। राइडमा स्कुटर राखेर १ लाखको आकार पनि बनाइएको थियो।
उक्त राइडमा हेड मार्शल गौरव पाठकले सडक सुरक्षाको बारेमा विभिन्न जानकारी गराए।
राइडरले अपनाउनुपर्ने नियम र सुरक्षाको जानकारी पनि प्रदान गरेका थिए। प्रोडक्ट हेड करुणा पुडासैनीले १ लाख सेलिब्रेसनबारेमा जानकारी दिइन्।
मार्केटिङ डेपुटी जिएम विक्रम पौडेल र सेल्स हेड आषिर श्रेष्ठले सहभागी ग्राहकहरुलाई स्वागत गरेका थिए। राइडको समापन १ लाख सेलेब्रेसनको केक काटेर गरिएको थियो।
सन् २०१८ मा एनटर्क नेपालमा लन्च भएको थियो।
