काठमाडौं । “सेवाबाट सन्तुष्टी” भन्ने मुल नारा लिएको लायन्स क्लब अन्तर्राष्ट्रिय ३२५ डिष्ट्रिक्ट ‘एम’ नेपालको लायन वर्ष २०२३/२४को तेस्रो क्याबिनेट बैठक काठमाडौंमा हिजोबाट शुरु भएको छ । बैठक हिजो र आज दुईदिन चल्नेछ ।

फागुन ११ र १२ गते दुईदिन आयोजना हुने क्याबिनेट बैठकको हिजो पहिलो दिन डिष्ट्रिक्ट गभर्नर भिमलाल पौड्यालको अध्यक्षतामा सामाखुसीस्थित गोधुली फूडल्याण्डमा बैठक बसेको थियो ।

बैठकमा पिएमसिसी तथा पोखरा महानगर प्रमुख धनराज आचार्य, डिष्ट्रिक्ट फर्स्ट लेडि जमुना पौड्याल, फर्स्ट भिडिजी चण्डीप्रसाद अर्याल, सेकेन्ड भिडिजी धनिराम बराल, आईपिडिजी महेन्द्र पौड्याल, पिएमसिसी गिरिधारी शर्मा, पिएमसिसी तथा एलसीआईएफ एरिया लिडर राजन लम्साल, डिष्ट्रिक्ट चिफ एड्भाईजर रत्नप्रसाद पराजुली, डिष्ट्रिक्ट एड्मिनिस्ट्रेटर नेपाल, चिफ अफ एओजि हरिचन्द्र तिवारी, एडिसनल क्याविनेट ट्रेजरर यमुना भन्डारी, डिष्ट्रिक्ट चिफहरु रिता खनाल लगायत, डिष्ट्रिक्ट कन्सुलरहरु, एडिस्नल क्याबिनेट सेक्रेटरी, ट्रेजरर, डिपार्टमेन्ट चिफहरु, रिजन चेयरपर्सनहरु, जोन चेयरपर्सनहरु लगायत क्याबिनेट अफिसरको बाक्लो उपस्थिति रहेको थियो ।

पहिलो दिन हिजोको बैठकमा, डिष्ट्रिक्टले अहिलेसम्म सम्पन्न गरेका कार्यहरू डिष्ट्रिक्ट क्याबिनेट सेक्रेटरी बलराम सुवेदीले प्रस्तुत गर्नुभएको थियो भने आर्थिक आयव्यय विवरण डिष्ट्रिक्ट क्याबिनेट ट्रेजरर नवराज पोखरेलले प्रस्तुत गर्नुभएको थियो । विभिन्न जोन अन्तर्गत क्लबहरुले सम्पन्न गरेका सेवाका कार्यहरूको जोन चेयरपर्सनहरुले प्रस्तुत गरेका थिए ।

आजको बैठक (दोस्रोदिनको) डिष्ट्रिक्ट गभर्नर भिमलाल पौड्यालको अध्यक्षतामा गोंगबु स्थित बिजि बैंक्वेटमा बसेको बैठममा प्रमुख अतिथी लायन्स अन्तराष्ट्रिय डाईरेक्टर बालकृष्ण बुर्लाकोटी रहनुभएको छ ।

हिजो र आजको बैठकमा लायन्स लिडर र साथीहरुको निक्कै उत्साहजनक सहभागिता रहेको आयोजक वयलकम सेन्चुरी क्लबका पुर्ब अध्यक्ष देबेन्द्र सारुमगरले कान्तिपथ अनलाईनलाई बताउनु भयो । तेस्रो क्याबिनेट बैठकको आयोजक बन्न पाउदा क्लब परीवार निक्कै उत्साहित भएको बताउदै उहांले यस क्रममा सहयोग गर्ने सम्पुर्ण सहयोगी हातहरुलाई हृदयदेखी धन्यबाद व्यक्त गर्नुभयो ।