काठमाडौं । बालकृष्ण खनालको सुमधुर स्वरमा, दिपक बस्नेतको लेखन रहेको गीत “घात भयो” सार्वजनिक भएको छ । वस्नेतको रचना, शिव अनुरागको संगित र किरण कडेलले एरेन्ज गरेको यो गितमा बालकृष्ण खनालले स्वर दिएका छन् । काशी हिन्दु विश्वविद्यालयबाट संगितमा स्नातकोत्तर गरेका खनालले संगित साधनामा २५वर्ष विताएका छन् । नेपाली गित-संगितमा यो बिल्कुलै फरक (फ्युजन) प्रकृतिको गित भएकोले राम्रो व्यवसायीक सफलता हासिल गर्ने कुरामा आफु ढुक्क रहेको गायक बालकृष्ण खनालले कान्तिपथ अनलाईनलाई बताएका छन् ।
दिनेश पराजुलीले छायांकन गरेको म्युजिक भिडिओलाई बिष्णु खड्काले सम्पादन अनि सुब्रत आर्चायले निर्देशन गरेका छन् । गीत लेखनमा आफ्नो सक्रियता बढाइरहेका गीतकार बस्नेतले अहिलेसम्म धेरै गीतहरु आफ्नै शब्दमा रेकर्ड गराइसकेका छन् ।
बस्नेतको बोली मीठो, मेरो भगवान, बिहेगरी खेलौ लगायत गीत लोकप्रिय छन् । सार्वजनिक गीतको भिडियो आफ्नै युट्यव च्यानल दिप क्रीयटिभबाट सार्वजनिक गरिएको हो ।
