☰
मङ्गलबार, मङि्सर ०२, २०८३
    • राष्ट्रिय समाचार
    • मध्य नेपाल
    • अर्थ/पर्यटन
    • मनोरञ्जन
    • स्वास्थ्य
    • खेलकुद
    • अन्तर्वार्ता/विचार
    • अन्तर्राष्ट्रिय/प्रवास
    • भिडियो
    • राशिफल
    • English

भर्खरै

लोकप्रिय समाचार

इपिएसमार्फत भाषा परीक्षा उत्तीर्णले सेवा परिवर्तन गर्न सक्ने


  •   सोमबार, बैशाख १७, २०८१ मा प्रकाशित
  • काठमाडौँ । रोजगार अनुमति प्रणाली (इपिएस) मार्फत कोरिया जान भाषा परीक्षा उत्तीर्ण गरेर रोस्टरमा रहेका युवाले आफ्नो सेवा क्षेत्र परिवर्तन गर्न सक्ने भएका छन् ।

    Advertisement

    वैदेशिक रोजगार विभाग अन्तर्गतको इपिएस कोरिया शाखाले सूचनामार्फत कृषि तथा पशुपालन र उत्पादनमूलक क्षेत्रतर्फ रोस्टरमा रहेकाले सेवा क्षेत्र परिवर्तन गर्न सक्ने जानकारी गराएको हो ।

    सो शाखाका अनुसार सेवा क्षेत्रका लागि तत्काल परीक्षा नगर्ने र हाल कृषि, पशुपालन र उत्पादनमूलक क्षेत्रमा अन्तिम चरणमा छानिएर रोस्टरमा रहेका नेपालीलाई क्षेत्र परिवर्तन गरी कोरिया जाने अवसर दिएको छ । शाखाको सूचनामा रोस्टरको अवधि २०२४ डिसेम्बर ३१ तारिखभित्र वा आगामी पुस १५ गते समाप्त हुने भएकाले इच्छुक व्यक्तिले रोस्टर परिवर्तन गर्न सक्ने छन् ।

    मानव संसाधन विभाग (एचआरडी) कोरियाले रोस्टर परिवर्तन गर्न सक्नेको नामावलीसहितको तालिका बिहीबार पठाएको इपिएस कोरिया शाखाले जनाएको छ ।

    शाखाका अनुसार नौ हजार ४२८ जनाको नाम प्राप्त भएका छ । यदि कसैले पहिले नै रोजगारदाताले करार सम्झौता गरिसकेको वा रोस्टर अवधि समाप्त भइसकेको वा कुनै कारणले अयोग्य भएमा सेवा क्षेत्र परिवर्तन गर्न भने नपाइने शाखाले सूचनामार्फत स्पष्ट पारेको छ ।

    सो शाखाका निर्देशक मैया कँडेलले रोस्टरमा रहेका नौ हजार ४२० नेपालीमध्ये इच्छुकले क्षेत्र परिवर्तन गरी सेवा क्षेत्रमा जान सक्ने जानकारी दिनुभयो । उहाँका अनुसार यसलाई नेपालले अवसरका रूपमा लिएको छ । रोस्टर परिवर्तन गरेर सेवा क्षेत्रमा गए पनि करार सम्झौता नभए रोस्टरको अवधिभित्र पुनः साबिकको क्षेत्रमा फर्कन पाउने विकल्पलाई अवसरका रूपमा लिनु पर्छ । सेवा क्षेत्रमा रोस्टर परिवर्तन गर्नेको नामावली २०२४ मे ३ तारिख सम्ममा कोरिया पठाउनुपर्ने र तत्कालै श्रम सम्झौता आउने शाखाले जनाएको छ ।

    सो शाखाका अनुसार सेवा क्षेत्र परिवर्तन गरिए पनि रोस्टरको अवधि भने थप हुने छैन । सेवा क्षेत्रमा हालसम्म कोरियाले नेपालबाट श्रमिक लिएको छैन । यो रोस्टर परिवर्तनपछि भने नेपालबाट पहिलो पटक सेवा क्षेत्रमा नेपाली कोरिया प्रवेश गर्न पाउने छन् ।

    हाल रोस्टरमा रहेका कतिपय युवाको दुईवर्षे रोस्टर अवधि समाप्त हुने क्रममा छ । कति नेपालीलाई सेवा क्षेत्रमा लैजाने भन्नेबारे कोरिया पक्षले केही जानकारी दिएको छैन । कोरियाको सेवा क्षेत्रलाई अन्यभन्दा रोजगारीको राम्रो क्षेत्र मानिन्छ ।

    यसअघि कोरियाको सेवा क्षेत्रमा चिनियाँ नागरिकले धेरै अवसर पाउने गरेका थिए । अन्य क्षेत्रको तुलनामा सेवा क्षेत्रलाई कम जोखिम र सजिलो कामको क्षेत्रका रूपमा मानिँदै आएको छ । रोस्टरमा रहेका कतिपय नेपालीको रोस्टर अवधि समाप्त हुने चरणमा रहेका कारण उनीहरूलाई क्षेत्र परिवर्तन गरेर भए पनि तत्काल रोजगारीको अवसर दिन लागिएको हो ।

    भाषा परीक्षा पास गरेर कोरिया जान पर्खेर बसेका हजारौँ युवाले आफूहरूको समस्या समाधानका लागि पहल गर्न श्रम रोजगार तथा सामाजिक सुरक्षामन्त्री डिपी अर्याललाई अनुरोध गर्दै आएका छन् । गुनासो प्राप्त भएपछि मन्त्री अर्यालले कोरियाका सम्बन्धित निकायका पदाधिकारीसँग पटक पटक छलफल गर्नुभयो ।

    सोमबार, बैशाख १७, २०८१ मा प्रकाशित
    तपाईको प्रतिक्रिया

    सम्बन्धित समाचार

    तिहार: प्रकृति र आत्मबोधको सांस्कृतिक एवं दार्शनिक चक्र
    चीन र नेपालका वैज्ञानिकहरूद्वारा अरुण सीमापार उपत्यकामा क्षेत्रीय अनुसन्धान सम्पन्न
    दशैं: घटस्थापनाको बीउदेखि पूर्णिमाको उज्यालोसम्म
    भूगोल केन्द्रीय विभागमा रिमोट सेन्सिङ तथा जिआइएस केन्द्रको उद्घाटन
    सोह्र श्राद्ध : पौराणिक पृष्ठभूमि एवं वैज्ञानिक तादात्म्यता
    विपद् आउनुअघि थाहा होस् ‘कहाँ के छ?

    लोकप्रिय

    भर्खरै

    • १.
      तिहार: प्रकृति र आत्मबोधको सांस्कृतिक एवं दार्शनिक चक्र

    • २.
      चीन र नेपालका वैज्ञानिकहरूद्वारा अरुण सीमापार उपत्यकामा क्षेत्रीय अनुसन्धान सम्पन्न

    • ३.
      दशैं: घटस्थापनाको बीउदेखि पूर्णिमाको उज्यालोसम्म

    • ४.
      भूगोल केन्द्रीय विभागमा रिमोट सेन्सिङ तथा जिआइएस केन्द्रको उद्घाटन

    • ५.
      सोह्र श्राद्ध : पौराणिक पृष्ठभूमि एवं वैज्ञानिक तादात्म्यता

    • ६.
      विपद् आउनुअघि थाहा होस् ‘कहाँ के छ?

    • ७.
      भोटेकोशी बाढी: विपद्को गहिराइ बुझ्ने भूगोल

    • ८.
      तीज : चेलीका गीतदेखि स्वतन्त्रताको आवाजसम्म

    About Us

    Kalika Advertising And Broadcasting Network Pvt. Ltd.
    Head Office: Kantipath, Kathmandu, Nepal.

    सञ्चार रजिष्ट्रारको कार्यालय, बागमती प्रदेश, हेटौंडा ।
    दर्ता नं. : ००१४९/०७९/०८०
    ……….
    Corporate office:
    Bharatpur, Chitwan
    ……….
    Corporate office:
    Kalika, Chitwan

    Contact Us

    Corporate office:
    Charikot, Dolakha
    ……….
    Corporate office:
    Manthali, Ramechhap
    ……….
    Email:

    kantipathonline@gmail.com
    ………..
    Contact Number:
    +977-9851005903

     

    Our Team

    Shishir Simkhada
    Founder / Editor-In-Chief
    ……….
    Ishor Aryal
    Editor
    ……….
    Sharad Chandra Sapkota
    Sub-Editor
    ……….
    Prakash Dahal
    Sub-Editor
    ………..
    Labahari Budhathoki
    Sub-Editor
    ………..
    Kabi Raj Giri
    Sub-Editor / IT Chief

    Our Facebook

    Kantipath Online

    Copyright ©2026 Kantipath Online | All rights Reserved. Host by: Namuna Computer