काठमाडौं । प्रभु केवलकार एण्ड टुरिजमले अनतर्राष्ट्रिय मजदुर दिवसको अवसरमा कर्मचारीलाई सम्मान गरेको छ । कम्पनीमा कार्यरत कर्मचारीलाई रिफ्रेसमेन्टसहितको व्यवस्था गरी नगदसहित सम्मान गरिएको बताइएको छ ।

कार्यक्रममा कम्पनीका सञ्चालकसहित कर्मचारीको सहभागिता थियो । प्रभु केवलकार एण्ड टुरिजमले हाल नेपालमा तीन वटा केवलकार परियोजना निर्माण गरिरहेको छ । एक अर्ब रुपैयाँ अधिकृत पुँजी रहेको कम्पनीले निकट भविष्यमा ३० करोड रुपैयाँ बराबरको प्रिमियम मूल्यमा आईपीओ ल्याउने तयारी गरेको जनाएको छ ।

आईपीओ जारी गरेपछि कम्पनीले रामेछापको खाँडादेवी मन्दिरमा र सिन्धुलीको सिद्धबाबा धाममा केवलकार बनाउने तयारी गरेको जनाएको छ । कम्पनीले निर्माण गरिरहेको सिद्धार्थ केवलकार परियोजना भने पूर्ण रुपमा सञ्चालनको अन्तिम चरणमा रहेको बताइएको छ । सिद्धार्थ केवलकार यही वैशाख १ देखि आंशिक सञ्चालन भइरहेको छ ।

भगवान गौतम बुद्धको गुरुको आश्रममा जाने उक्त केवलकार बुटवलको तिनाउ खोलापारी मणिमुकुन्द सेन फूलबारी पार्क हुँदै पाल्पाको नुवाकोटसम्म जानेछ । उक्त केवलकारको दूरी २ किलो मिटरको रहेको छ । सिद्धार्थ केवलकारमा २५ वटा गोण्डला रहेका छन् ।