काठमाडौं । सिमाना संगै रहेर पनि विश्वमा निक्कै कम देशहरुमा मात्रै खुल्ला सिमानाको अवधारणा प्रयोग रहेको पाईन्छ । नेपाल-भारत सदियौ देखि यो दुर्लभ प्रयोगको मजवुत साथी वनिरहेका छन । छिट-पुट हुने घटना वाहेक नेपाल र भारतको सम्बन्ध प्रशंसनिय मात्रै छैन उदाहरणिय पनि रहेको छ ।

यहि सम्बन्धलाई थप मजवुत वनाउने काम गरेको छ नेपाल-भारत वस सेवाले । मिती २०७५ साल बैशाख २८ गते मोदी नेपाल आउदा जनकपुरमा भब्य रुपमा उद्घाटन गरेर शुरु गरेको नेपाल-भारत मैत्री वस सेवा कठिन कोरोना कालमा १९ महिना वन्द रहेता पनि त्यसयता निर्वाद संचालनमा रहेको छ ।

हाल तिन रुटमा सन्चालन रहेका छन, नेपाल भारत वससेवा ।
काठमाडौंवाट हाल तिन रुटमा संन्चालन छन नेपाल-भारत मैत्री वस सेवा। काठमाडौं-भैरहवा-सुनौली-गोरखपुर-लखनउ-नयांदिल्ली, काठमाडौं-भैरहवा-सुनौली-अजामगढ-वाराणसी, काठमाडौं-भैरहवा-पटना ।

नेपाल भारत मैत्री वस सेवामा संन्चालन हुने सबै वसहरु ४३ सिट क्षमताका उच्च गुणस्तरका एसी बस रहेको संचालकले वताएका छन् । वसमा यात्रा गर्न काठमाडौं उपत्यकामा स्वयम्भु रिङ्गरोड टिकट काउन्टरमा आउनु पर्ने र उपत्यका वाहिरको हकमा नारायणगढ, भैरहवा आदी देशका ठुला शहरबाट पनि चढ्न सकिने छ ।

काठमाडौं- दिल्ली हरेक दिन विहान ७, ७ः३० मा लाग्ने वसको भाडा रु ४८००, पटना हरेक दिन सांझ ६ः३० मा लाग्ने वसभाडा रु २०८० र सिलगुडी हरेक दिन दिउसो ३ः३० मा लाग्ने वसभाडा रु ३२०० रहेको छ । यस्तै काठमाडौ दिल्ली करिब २८ घण्टा, काठमाडौं सिलगुडी १७ घण्टा र काठमाडौ पटना १४ घण्टा यात्रा समय लाग्ने गरेको छ । उता भारत सरकारका तर्फबाट संचालन हुने मोदी वस सेवा (DTC) हप्ताको तिन दिन सोमवार, वुधवार, शुक्रवार विहान १०.०० बजे काठमाडौबाट छुट्ने गरेको छ ।

यति लामो रुटमा चल्ने सवारीमा पनि वसका कुनै सिट कुनै पनि दिन खाली नरहने कुरा संचालकले वताएका छन । तपाईसंग सेवा लिने यात्रुहरु नेपाली र भारतीय कुन बढी हुन्छन भन्ने प्रश्नमा उहांले दुवै देशका यात्रु वरावर रहने वताएका थिए । अनलाईन र अफिसमा फोन वा प्रतक्ष्य सम्पर्क गरी टिकट लिन सकिने जानकारी दिदै उहांले प्रतक्ष्य टिकट काट्ने वढि रहेको जानकारी दिएका छन् ।

यस्तै देशका बिभिन्न भाग पोखरा, प्यूठान, दाङ्ग, अर्घाखांची, जनकपुर लगायतका शहरहरुबाट पनि नेपाल भारत वस सेवा संन्चालन गरिदै आएका छन ।