काठमाडौं । मानिस योग्यता र क्षमताले भ्याएसम्म संसारभर घुम्न चाहन्छ । वासस्थान नबदल्ने, अध्ययन अनुसन्धान र मनोरन्जनका लागी वसोवास भन्दा पर समयानुकुल घुम्नेहरुलाई पर्यटक भन्दछन् । पर्यटकहरु मुख्य
उदेश्य भनेको प्राकृतीक र कृतिम परिवर्तन हेर्ने हो । सम्पन्न राष्ट्रहरुको भ्रमणमा कृतिम परिवर्तन हेरिन्छ भने, नेपाल जस्तो विपन्न राष्ट्रमा प्राकृतीक वस्तुहरुमा पर्यटकहरु रमाउने गर्दछन् ।
यस्तैमा सन् २०२४ को मे महिनामा ९० हजार विदेशी पर्यटक नेपाल भित्रिएका छन् । नेपाल पर्यटन बोर्डले आज सार्वजनिक गरेको तथ्यांकअनुसार मे महिनामा जम्मा ९० हजार दुई सय ११ जना विदेशी पर्यटकले नेपाल भ्रमण गरेका हुन् ।
सन् २०२३ को तुलनामा यस वर्ष पर्यटक आगमन १६ दशमलव १० प्रतिशतले वृद्धि भएको हो । सन् २०२३ को मेमा ७७ हजार सात सय तीनजना विदेशी पर्यटक नेपाल आएका थिए । कोभिड–१९ महामारीपूर्व ७८ हजार तीन सय विदेशी पर्यटकले नेपाल भ्रमण गरेका थिए ।
विदेशी पर्यटक आगमन उत्साहजनक रहेको बोर्डका निर्देशक मणिराज लामिछानेले बताए । ‘समग्रमा पर्यटक आगमन उत्साहजनक देखिन्छ । तुलनात्मक रुपमा भारत र अमेरिकाबाट धेरै संख्यामा पर्यटक भित्रिए पनि चीनबाट अपेक्षित रुपमा पर्यटक बढेका छैनन्,’ उनले भने ।
विगतका महिनामा झँै यो पटक पनि सबैभन्दा बढी छिमेकी मुलुक भारतबाट ३८ हजार दुई सय ८८ जना पर्यटक नेपाल भित्रिएका छन् । सोही अवधिमा अर्को छिमेकी मुलुक चीनबाट आठ हजार तीन सय ८१ जना पर्यटक नेपाल आएका छन् । संयुक्त राज्य अमेरिकाबाट आठ हजार पाँच सय २७ पर्यटक नेपाल भित्रिएका छन् ।
