काठमाडौं । ठमेल पर्यटन विकास परिषद्को अध्यक्ष पदमा ध्रुव अधिकारी निर्वाचित भएका छन् । परिषद्को २८ र २९औँ वार्षिक साधारणसभा तथा निर्वाचनको आज बिहान सम्पन्न मतगणना अनुसार अर्का प्रत्यासी भविश्वर शर्मालाई पराजित गर्दै अधिकारी अध्यक्ष निर्वाचित भएका हुन् ।

उपाध्यक्षमा राजीव पाण्डे, सहदेव धमला र श्रीकृष्ण थपलिया विजयी भएको निर्वाचन अधिकृत उमादेवी प्रसाईँले जानकारी दिए । यस्तै महासचिवमा बद्रीप्रसाद तिमल्सिना, सचिवमा पुण्यराम लागेजु र कोषाध्यक्षमा प्रकाश थपलिया निर्वाचित भएका छन् ।

यस्तै सदस्यमा सर्वाधिक मत ५७४ सहित कोपिला सिंखडा पुन: निर्वाचित हुनुभएको छ भने अन्य सदस्यहरुमा रोशन अधिकारी, कुमार नेपाली, विनोद श्रेष्ठ, अमृत थोकर (लामा), सानुकाजी महर्जन, रमेश विश्वकर्मा र बद्रीप्रसाद अर्याल निर्वाचित भएका छन् । कुल १५ सदस्यीय कार्यसमितिका लागि हुने मतदानमा एक हजार एक सय ९३ जनाले मतदाता रहेकामा एक हजार ३१ मतदाताले मतदान गरेका थिए ।