काठमाडौं । आज ३ प्रदेशमा भारी वर्षाको सम्भावना रहेकाले ती प्रदेशमा सम्भावित बाढी, पहिरोबाट बच्न सतर्कता अपनाउन जल तथा मौसम विज्ञान विभागले आग्रह गरेको छ।

विभागका अनुसार आज दिउँसो कोशी, वागमती, गण्डकी, लुम्बिनी, कर्णाली र सुदूरपश्‍चिमका केही तथा मधेशका १-२ स्थानमा हल्कादेखि मध्यम वर्षाको सम्भावना छ। यस्तै, गण्डकी, लुम्बिनी र सुदूरपश्‍चिमका १-२ स्थानमा भारी वर्षाको सम्भावना छ।

आज राति कोशी, वागमती, गण्डकी, कर्णाली र सुदूरपश्‍चिमका केही तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ। यस्तै, गण्डकीका १-२ स्थानमा भारी वर्षाको सम्भावना छ।