काठमाडौं । काठमाडौं उपत्यकाको पुर्वतर्फ भक्तपुर जिल्लाको सिपाडोलमा अवस्थीत डोलेश्वर महादेवमा आजकल दर्शनार्थीको भिड लाग्ने गरेको छ । हाल दैनिक १०००-१५०० श्रद्दालुहरु आउने गरेकोमा सोमवार शनीवार ७०००-८००० श्रद्दालुहरु आउने गरेको केदारनाथ मन्दिर संरक्षण समितीका सचिव कविराम थापा बताउनुहुन्छ । श्रावण महिनाको पहिलो सोमवार झण्डै तिस हजार भक्तजनको उपस्थिती रहेको समितीका सचिव थापा बताउनुहुन्छ । “बेलुका ७ बजेसम्म लाईनमा नै हुनुहुन्थ्यो भक्तजनहरु त्यसैले ठ्याक्कै यति भनेर गणना त गरिएन, तर पनि ३००० भन्दा बढी नै अनुमान गरिएको छ ।”
अहिले डोलेश्वर महादेवमा ३८ दिने श्रावणी मेला शुरु भएको, हरेक सोमवार र शनीवार बिशिष्ठ गुरुहरुबाट पाठपारायण, कथा वाचन हुने, सांझ भजन किर्तनका साथै बिशेष आरती हुने गरेका कारण भक्तजनको भिड लाग्ने गरेको छ ।
हिमवत्केदार वैराग्य सिंहासनाधिश्वर रावल पदवी विभूषित श्री श्री श्री १००८ जगत् गुरु भीमाशङ्करलिङ्ग शिवाचार्य महास्वामीबाट २०६६ साल भदौ ६ गतेका दिन केदारनाथको शिरोभाग डोलेश्वर महादेव भएको विधिवत् घोषणा गरेपछि यस पवित्रधामको सर्बत्र चर्चा हुने गरेको छ । भारतका प्रधानमन्त्री नरेन्द्र मोदीले आफ्नो नेपाल भ्रमणको समयमा केदारनाथको शिर डोलेश्वर महादेव रहेको र सवा अर्व हिन्दुहरुको धर्मिक यात्रा, यस पवित्र तिर्थको दर्शन नगरी पुरा नहुने बताएपछि छिमेकी राज्यवाट भक्नतहरुको घुईचो लाग्ने गरेको छ ।
हाल दैनिक १०००-१५०० श्रद्दालुहरु आउने गरेकोमा सोमवार शनीवार ७०००-८००० श्रद्दालुहरु आउने गरेको केदारनाथ मन्दिर संरक्षण समितीका सचिव कविराम थापा बताउनुहुन्छ । साथै ०६६ भदौ ६ गते डोलेश्वर महादेवलाई केदारनाथको शिर घोषणा भइसकेपछि, वर्षको ३ पटक वैशाख/जेठमा पर्ने अक्षय तृतीया, केदारनाथको शिर घोषणाको वाषिर्कोत्सव भदौ ६ गते र शिवरात्रीको दिनमा धार्मीक-पर्यटकहरुको भिड लाग्ने गरेको सचिव थापा बताउनुहुन्छ । गत बर्षको साउन महिना वाहेक अरु समयमा मात्रै ७०-७५ लाख मन्दीरको भेटी संकलन गरियको र साउन महिनामा मात्रै १ करोड पन्ध्र लाखबढी मन्दीरको भेटी संकलन गरिएको बताउनुहुन्छ सचिव थापा । भेटी संकलन वापतको रकम मन्दिर पुनर्निर्माणमा खर्च हुने र कर्मचारीको तलवभत्तामा खर्च हुने गरेको बताइन्छ । सचिव थापाका अनुसार, पुरोहित सरसफाईकर्मी गरेर ११ जना कर्मचारीले रोजगार पाएका छन यस पवित्रधाममा । २०० जना भन्दा बढीलाई निशुल्क सेवा दिन सक्ने धर्मशाला रहेको र धर्मशालाको सेवा लिने श्रद्दालुहरुमा धेरैजसो छिमेकी भारतका रहने गरेका छन ।
