काठमाडौं । आगामी आईफोन १६ सिरिज सेप्टेम्बरमा सार्वजनिक हुने तयारीमा रहेको छ। साथै बेस (आधारभूत) आईफोन १६ को पुनः डिजाइन गर्न लागिएको बारेमा पनि राम्रो मात्रामा लीकहरु देखा परेका छन्।
यसै क्रममा पुनः डिजाइनको पछिल्लो पुष्टि सोनी डिक्सनबाट आएको उल्लेख गरिएको छ। सोनी डिक्सन ले फेरि पनि नयाँ भर्टिकल क्यामरा अलाइन्मेन्ट (ठाडो क्यामरा पङ्क्तिबद्धता) को पुष्टि गर्दै पाँचओटा रङ्ग विकल्पहरूमा आगामी आईफोन १६ को तस्बिर साझा गरेको छ।
आईफोन १६ सेतो, कालो, निलो, हरियो र गुलाबी रङ्गहरूमा देखाइएको छ जुन गत वर्षको आईफोन १५ को म्युटेड रङ्गहरू भन्दा धेरै स्याचुरेटेड देखिने उल्लेख गरिएको छ। फोनको पछाडिको भाग भने ग्लोसी फिनिशमा देखिएको जनाइएको छ।
यसबाहेक आगामी आईफोन १६ मा पावर बटनका साथै रुमरमा रहेको नयाँ क्याप्चर बटन पनि देखा परेको र ती दुवै बटनलाई डिभाइसको दाहिने भागमा समावेश गरिएको छ।
साथै क्यापासिटिभ सर्फेस सहितको उक्त नयाँ मेकानिकल बटनले जुम गर्नका लागि स्वाइपिङ गेस्चरहरूलाई सहज बनाउने जनाइएको छ।
साथै यस बटनलाई अमेरिकामा बिक्री हुने आईफोनहरूमा एमएमवेभ एन्टेना राखिएको ठाउँमा समावेश गरिएको देखिने थप उल्लेख गरिएको छ।
सबै आईफोन १६ सिरिजका डिभाइसहरू (भेनिला र प्रो) मा पनि एक्शन बटन फिचर गरिने आकलन रहेको छ जसले अन्ततः म्यूट स्विचलाई फेजआउट (चरणबद्ध रुपमा हटाउने) गर्ने उल्लेख गरिएको छ।
भ्यानिला आईफोन ६० हर्जमा सीमित १६ एफएचडी+ रेजोल्युसनको साथ ६.१–इन्च ओएलईडी डिस्प्लेसहित आउने अपेक्षा गरिएको छ। साथै डिस्प्लेमा पातलो बेजेलहरू हुने सम्भावना रहेको थप उल्लेख गरिएको छ।
आईफोन १६ सिरिजको सबै चार डिभाइसहरू एप्पल ए१८ चिपसेटका साथमा सार्वजनिक हुने अपेक्षा गरिएको छ। प्रो मोडेलहरूमा ए१८ प्रो संस्करण समावेश गरिने जनाइएको छ भने भेनिलाले बेसलाइन ए१८ चिप प्राप्त गर्ने उल्लेख छ।
एप्पलले आईफोन १६ मा ३,५६१ एमएएच ब्याट्री पनि प्रदान गर्ने अपेक्षा गरिएको छ जुन आईफोन १५ को सेल भन्दा ६ प्रतिशत ठूलो भएको जीएसएमएरिनाले उल्लेख गरेको छ।(Technology Khabar)
