पेरिस । विश्व खेलकुदको महाकुम्भ मेला पेरिस ओलम्पिक २०२४ सकिएको छ । आइतबार राती आयोजित विशेष समारोहबीच पेरिस ओलम्पिकको समापन गरिएको हो । पाँचवटा ग्रामी अवार्ड विजेता अमेरिकाकी गाब्रिएला सार्मिएन्टो विल्सनले समारोहमा प्रस्तुति दिनुभयो । उहाँले ओस्कार र एमी अवार्ड पनि जित्नुभएको छ ।
वल्सनले ओलम्पिक झण्डा हस्तान्तरणका क्रममा स्टेड डे फ्रान्समा अमेरिकी राष्ट्रिय गान गाउनुभयो । अमेरिकी शहर लस एन्जलसले सन् २०२८ को ओलम्पिक खेलकुद आयोजना गर्ने भएको छ । यसका साथै ओलम्पिकको झण्डा अमेरिकालाई हस्तान्तरण गरियो । पेरिसको स्टेड डे हल्ले स्टेडियममा समापन समारोह गरिएको हो । कार्यक्रममा एक सयभन्दा बढी कलाकार, एक्रोब्याट, नृत्य र सर्कस कलाकारको प्रस्तुति रहेको थियो ।
समापन समारोहको परम्पराअनुसार सन् २०२८ को ओलम्पिक खेलकुद अमेरिकाले आयोजना गर्ने भएकाले ओलम्पिकको झण्डा अमेरिकालाई हस्तान्तरण गरिएको छ । ओलम्पिकमा सहभागिता जनाएको नेपाल भने पदकविहीन रहृयो । छिमेकी मुलुक भारत भने ओलम्पिकमा स्वर्णविहीन रहृयो । स्वर्ण नजिते पनि भारतले ६ पदक भने जितेको छ । भारतीय टोली ७१औँ स्थानमा रहेर घर फर्किने भएको छ ।
पेरिस ओलम्पिक २०२४ अन्तर्गत चीन फेरि पदक तालिकाको शीर्ष स्थानमा उक्लिएको छ । अमेरिकालाई उछिन्दै चीन फेरि शीर्षमा उक्लिएको हो । यसअघि सुरुमा चीन नै पदक तालिकाको शीर्ष स्थानमा थियो । चीनले ३९ स्वर्ण, २७ रजत र २४ कांस्यसहित ९० पदक जितेको छ । दोस्रो स्थानमा रहेको अमेरिकाले ३८ स्वर्ण, ३२ रजत र ४२ कांस्यसहित १२२ पदक जितेको छ ।
यस्तै, अस्ट्रेलिया तेस्रो स्थानमा कायम छ । अस्ट्रेलियाले १८ स्वर्ण, १८ रजत र १४ कांस्यसहित ५० पदक जितेको छ । जापान चौथो स्थानमा छ । जापानले १८ स्वर्ण, १२ रजत र १३ कांस्यसहित ४३ पदक जितेको छ । आयोजक फ्रान्स १६ स्वर्ण, २४ रजत र २२ कांस्य पदक जितेर पाँचौँ स्थानमा छ । यस्तै ग्रेट ब्रिटेन १४ स्वर्ण, २२ रजत र २७ कांस्यसहित ६३ पदकसहित छैटौँ स्थानमा छ । सातौँ स्थानमा रहेको दक्षिण कोरियाले १३ स्वर्ण, आठ रजत र नौ कांस्यसहित कुल ३० पदक जितेको छ भने नेदरल्याण्ड्स १३ स्वर्ण, सात रजत र १२ कांस्यसहित ३२ पदक जित्दै आठौँ स्थानमा रहन सफल भएको छ । जर्मनी १२ स्वर्ण, ११ रजत र आठ कांस्यसहित कुल ३१ पदक जित्दै नवौँ स्थानमा छ । इटली ११ स्वर्ण, १३ रजत र १५ कांस्यसहित कुल ३९ पदक जितेर शीर्ष दशमध्ये अन्तिम स्थानमा रहेको छ । हालसम्म ९१ टोलीले पदक तालिकामा उपस्थिति जनाएका छन् ।
त्यसैगरी हालसम्म क्यानडाले नौ स्वर्ण, न्युजिल्याण्डले नौ स्वर्ण, काजकिस्तानले आठ स्वर्ण, हंगेरी र स्पेनले पाँच/पाँच स्वर्ण, स्विडेन, केनिया, नर्वे र आयरल्याण्डले चार/चार स्वर्ण पदक जितेका छन् । यस्तै ब्राजिल, युक्रेन, इरान, रोमानिया, जर्जिया, बेल्जियम, बुल्गेरिया र चेकियाले तीन/तीन स्वर्ण जितेका छन् । यस्तै, अजरबैजान, क्युवा, क्रोएसिया, सर्बिया, स्लोभेनिया, चाइनिज ताइपेई, अर्टिया, हङकङ, फिलिपिन्स, अल्जेरिया र इण्डोनेसियाले दुई/दुई स्वर्ण जितेका छन् ।
त्यसैगरी इण्डोनेसिया, इजरायल, पोल्याण्ड, काजकिस्तान, जमैका, साउथ अफ्रिका, थाइल्याण्ड, डेनमार्क, स्विजरल्याण्ड, इक्वेडर, पोर्चुगल, इथोपिया, ग्रिस, अर्जेन्टिना, बहराइन, इजिप्ट, ट्युनिसिया, बोत्सवाना, चिली, सेन्ट लुसिया, युगाण्डा, डोमिनिकन रिपब्लिक, ग्वाटेमाला, मोरक्को, डोमिनिका र पाकिस्तानले समान एक/एक स्वर्ण पदक जितेका छन् । एजेन्सी
