काठमाडौं । गत वर्षको मुनाफाबाट कर समेत ९ दशमलव ५ प्रतिशत प्रतिफल वितरण गर्न लागेको कुमारी इक्वीटी फण्डले साउन मसान्तसम्म १७ करोड ५४ लाख रुपैयाँभन्दा बढी नाफा गरेको छ । असार मसान्तसम्म ९ करोड २९ लाख रुपैयाँभन्दा बढी नाफा गरेको योजनाले साउनमा नाफा बढाएको हो ।

असारमा योजनाले ११ करोड १५ लाख रुपैयाँभन्दा बढी जम्मा आम्दानी गरेकोमा साउन मसान्तसम्म १७ करोड ७५ लाख रुपैयाँभन्दा बढी यो आम्दानी गरेको हो । जम्मा खर्च भने असार मसान्तसम्म १ करोड ८६ लाख रुपैयाँभन्दा बढी भएकोमा साउन मसान्तसम्म २० लाख ५४ हजार रुपैयाँभन्दा बढी जम्मा खर्च गरेको हो । नाफासँगै योजनाको प्रति इकाई खुद मूल्य पनि बढेको छ ।

असार मसान्तसम्म १० रुपैयाँ ९६ पैसा रहेको योजनाको प्रति इकाई खुद मूल्य साउन मसान्तसम्म १२ रुपैयाँ ७१ पैसा रहेको छ । धितोपत्र बजारमा लगानी गर्ने मुख्य उदेश्य सहित सञ्चालित १० वर्षे अवधिको बन्दमुखी प्रकृतिको यस योजनाले १० करोड इकाई जारी गरेको थियो । साउन मसान्तसम्म योजनाले धितोपत्रमा गरेको लगानीको परलमूल्य भने १ अर्ब १ करोड ५० लाख रुपैयाँ रहेको छ ।

बैंक मुद्दती निक्षेपमा योजनाले यो अवधिसम्म लगानी गरेको छैन । धितोपत्रमा गरेको लगानीको बजारमूल्य भने १ अर्ब ९ करोड ८४ लाख रुपैयाँभन्दा बढी रहेको छ । धितोपत्रमा गरेको लगानीको परलमूल्यभन्दा बजारमूल्य केहि बढीनै रहेको छ ।