काठमाडौं । हिन्दु धर्मशास्त्र अनुसार प्रत्येक दिनको महत्व फरक छ । यही फरक महत्वलाई बुझ्न सके दैनिकी सहज बन्ने छ । आज शुक्रबार । हिन्दू धर्मावलम्बीहरुले आजको दिन शुक्रका साथै सन्तोषी माता र वैभवलक्ष्मीको पूजाआराधना गर्दछन् ।
साथै यस दिनमा लक्ष्मी माताका अवतार अन्नपूर्णेश्वरी माता र दुर्गा भवानीको पनि पूजा गरिन्छ । माता लक्ष्मीको व्रत बसी विधिवत रुपमा पूजा आराधना गर्नुपर्ने मान्यता रहेको छ । जसले जीवनभर तपाईंको आर्थिक पक्ष बलियो बनाउन सहयोग पुर्याउँछ ।
यो दिन व्रत लिने व्यक्तिले फलाहारका रुपमा चना र सख्खर प्रयोग गर्नु उत्तम हुनेछ । व्रतमा अमिलो खानु ठूलो त्रुटी हुनेछ । साथै यस दिनमा लक्ष्मी माताका अवतार अन्नपूर्णेश्वरी माता र दुर्गा भवानीको पनि पूजा गरिन्छ । धार्मिक रुपमा शुक्रबार तीन किसिमको व्रत तथा पूजा गरिन्छ ।
धन सम्पतीको जोहो गर्न र यसको बचत गर्न अनेकौं प्रयासका बावजुद सफल भइरहनु भएको छैन ? वा तपाईको हातमा पैसा टिक्दैन ? यी अनेकौ समस्या भोगिरहनु भएको छ भने तपाईलाई लक्ष्मीको कृपा भएको छैन भन्ने बुझ्न सकिन्छ । त्यसका लागि विधि सुरू गर्ने उपयुक्त दिन शुक्रबार हाे ।
लक्ष्मी प्रसन्न भए वा दाहिना भएमा मानिसलाई कहिल्यै धनसम्पति, रुपैयाँ पैसाको अभाव हुँदैन । यस्तोमा देवि लक्ष्मीलाई प्रसन्न पार्ने केही उपायहरु जानकारी दिँदैछौ, जसले तपाईलाई सहज रुपमा लक्ष्मीको कृपा बर्षन सुरु हुन्छ ।
हातमा पैसा टिकाउन के गर्ने ?
बिभिन्न शास्त्र र मान्यता अनुसार जुन घरमा महिलाको आदर हुँदैन, उक्त घरमा लक्ष्मकिो कृपा हुँदैन । देवी लक्ष्मी ति घरमा मात्र प्रवेश गर्नुहुन्छ, जहाँ महिलाको सम्मान र आदर हुन्छ । तसर्थ घरमा भएका महिला आफन्तहरुलाई हमेशा आदर गर्नुहोस् ।
शुक्रबारलाई भगवान् लक्ष्मीको दिनका रुपमा मानिन्छ । यस दिन लक्ष्मीको पूजाअर्चना वा उपासना गरे लक्ष्मी प्रसन्न हुने र मनोवाञ्छित फल दिने धार्मिक विश्वास छ ।
यदि घरमा कुनै वास्तुदोष छ भने पनि उक्त घरमा लक्ष्मीको कृपा हुँदैन । यस्तोमा वास्तुदोष भएका घरमा आएको धन पनि नासिएर वा खर्च भएर जाने हुन्छ । वास्तुशास्त्रमा घरको दिशा कस्तो हुनुपर्छ भनि मार्गदर्शन गरीएको छ ।
जो ब्यक्तिको कुण्डलीमा शुक्र ग्रहको स्थिति मजबूत घरमा हुन्छ उनै ब्यक्ति प्रति माता लक्ष्मीको कृपा हुने गर्दछ । ज्योतिषशास्त्रमा शुक्र ग्रहलाई सुखसमृद्धिका रुपमा मानिन्छ । शुक्र ग्रह कमजोर हुने ब्यक्तिलाई घरमा आर्थिक समस्या परीरहने हुन्छ । यदि यस्तो भएमा मयुरको प्वाखँ घरमा राखेमा शुक्र मजबूत हुन जान्छ र लक्ष्मीको कृपा बर्षन थाल्छ ।
लक्ष्मीमातालाई कसरी खुसी पार्ने ?
शुक्रबारको दिन लक्ष्मीलाई रातो बिन्दी, चुनरी, चुरा र अन्य श्रृंगारका सामानहरू चढाउनुहोस्। यसो गर्दा सौभाग्य प्राप्त हुन्छ र पतिको आयु पनि लामो हुन्छ।
आज देवी लक्ष्मीको कृपा प्राप्त गर्न लक्ष्मी स्तोत्र, कनकधारा स्तोत्र वा श्री सुक्तको पाठ गर्नु अत्यन्त शुभ मानिन्छ। जसका कारण व्यक्तिमा देवी लक्ष्मीको कृपा जीवनभर रहन्छ।
यस दिन मातालाई कमल वा गुलाबको फूल चढाउनुपर्छ । आमालाई यो रंग असाध्यै मन पर्छ। देवी माताको चरणमा यी फूलहरू चढाउँदा व्यक्तिले जीवनमा उन्नति र सफलता प्राप्त गर्दछ।
लक्ष्मीको पूजा गरेपछि थालमा २ कपूर र २ लौंग राख्नुहोस् र त्यसबाट लक्ष्मीको आरती गर्नुहोस्। यसले आमालाई छिट्टै खुसी बनाउँछ।
शुक्रबारको दिन लक्ष्मीको अगाडि दीप प्रज्वलन गर्दा कपासको सट्टा कलवेको बाती प्रयोग गर्नुहोस्। यसबाट माता लक्ष्मीको कृपा प्राप्त हुन्छ ।
प्रत्येक दिन कमलको फूलको मालाले देवी लक्ष्मीको मन्त्र ‘ओम् श्रीं ह्रीं श्रीं कमले कमलालये प्रसीद प्रसीद श्रीं ह्रीं श्रीं ओम महालक्ष्मी नमः’ मन्त्रको जप गर्नुहोस्।
कुनै मनोकामना पूरा गर्न शुक्रबार खीर दान गर्नुहोस्। यस दिन खीर बनाएर आमालाई चढाउनुपर्छ । त्यसपछि यो खीर साना केटीहरूलाई प्रसादको रूपमा बाँड्नुहोस्।
धन वृद्धिका लागि शुक्रबार पाँचवटा रातो रङ्गका फूल ग्रहण गरी माता देवीको ध्यान गर्नुहोस् र यी फूलहरूलाई अलमारी वा सुरक्षित रूपमा सुरक्षित राख्नुहोस्। यसो गर्दा तपाईको घरमा लक्ष्मीको वास हुनेछ।(हिमालय टाईम्स)
