काठमाडौँ । पछिल्लो सयम डेंगु संक्रमितको संख्या बढ्दै गएको छ। इपिडिमियोलोजी तथा रोग नियन्त्रण महाशाखाको तथ्यांक अनुसार देशका ७५ जिल्लाबाट छ हजार ३४७ जनामा डेंगु पुष्टि हुनुका साथै तीन जना सङ्क्रमितको मृत्यु भएको छ।
इपिडिमियोलोजि तथा रोग नियन्त्रण महाशाखा (ईडिसिडी) अन्तर्गतको किटजन्य शाखाका प्रमुख डा. गोकर्ण दाहालल अनुसार तनहुँमा सबै भन्दा बढी डेंगु संक्रमण पुष्टि भएको छ। सोही जिल्लामा एक हजार ११६, कास्कीमा ६४५, पर्वतमा ५८७, चितवनमा ५१७, काठमाडौंमा ५११ जनामा डेंगु संक्रमण पुष्टि भएको छ। त्यसैगरी गोरखामा २४५, झापामा १६३, मकवानपुरमा ११४, भोजपुरमा १०३, पाल्पामा १०१ जनामा डेंगु पुष्टि भएको ईडिसिडीले जनाएको छ।
प्रदेश अनुसारमा बागमती र गण्डकी प्रदेशमा सबैभन्दा बढी डेंगु सङ्क्रमण पुष्टि भएको छ। बागमती प्रदेशमा एक हजार ६२३, गण्डकी प्रदेशमा दुई हजार ९५४, कोशी प्रदेशमा ७९१, लुम्बिनी प्रदेशमा ४४४, सुदूरपश्चिम प्रदेशमा ३४२, मधेश प्रदेशमा एक सय जनामा जनामा डेंगु पुष्टि भएको छ।
शुक्रराज ट्रपिकल तथा सरुवारोग अस्पतालका प्रमुख कन्सलटेन्ट फिजिसियन डा. विमल शर्मा चालिसेका अनुसार डेंगु संक्रमण एडीस जातको लामखुट्टेको टोकाइबाट सर्ने गर्छ। डा. चालिसेका अनुसार एकासि उच्च ज्वरो आउने मांसपेसी, टाउको तथा जोर्नी दुख्ने, थकान महसुस हुने वान्ता हुने डेंगु संक्रमणका प्रमुख लक्षण हुन। चिकित्सकका अनुुसार लामखुट्टेको टोकाईबाट बच्नुनै डेंगु रोगबाट बच्ने एक मात्र उपाय हो।
डेंगुबाट बच्ने उपाय पानी जम्मा गरेर राखिएको पानीको ट्यांकी, ड्रम, बाल्टी लामखुट्टे छिर्न नपाउने गरी राम्रोसँग छोपेर राख्न डा. दाहालका आग्रह छ।
पुरा शरीर ढाक्ने तथा लामो बाहुला भएका लुगा लगाउने, शरीरको खुला भागमा लामखट्टे भगाउने मलमको प्रयोग गर्ने, बिहान, दिउँसो, राति जुनसुकै बेला सुत्दा झुलको प्रयोग गर्न डा. दाहालको सुझाव छ।
घर कार्यालय विद्यालय वा सार्वजनिक क्षेत्रमा पानी जम्न नदिन, खाल्डाखुल्डी पुर्न र खानेपानी वा ढल चुहिएको छ भने तत्काल मर्मत गर्ने गमलाको प्लेट, फुलदानी कुलर आदिको पानी कम्तीमा हप्तामा एक पटक फेर्न उहाँले अनुरोध गर्नुभयो।(गोरखापत्र)
