क्रिकेटका कप्तान रोहित पौडेल बने उत्कृष्ट वर्ष खेलाडी

काठमाडाैं ।   राष्ट्रिय क्रिकेट टिमका कप्तान रोहितकुमार पौडेल वर्षका उत्कृष्ट खेलाडी बनेका छन् ।

नेपाल खेलकुद पत्रकार मञ्चको आयोजनामा शुक्रबार भएको कार्यक्रममा रोहितलाई पल्सर स्पोट्र्स अवार्डको ‘प्लेयर अफ दि इयरको अवार्ड प्रदान गरिएको हो ।

विश्वकप क्रिकेट लिग २ खेल्न क्यानडा गएकाले रोहितकी आमा र दाजुले सो अवार्ड ग्रहण गरेका छन् ।

यो विधामा रोहित,  फुटबलका अनन्त तामाङ, क्रिकेटका दीपेन्द्रसिंह ऐरी, करातेका मोहम्मद शेखु आलम र गल्फका सुवास तामाङ मनोनयनमा परेका थिए ।

उनीहरुलाई‌ पछि पार्दै रोहितले अवार्ड जितेका हुन् ।