काठमाडौंमा विद्युत सामग्री मेला कार्तिक २९ देखि सुरु हुने

काठमाडौं । नेपाल विद्युत व्यवसायी महासंघको आयोजनामा यही कार्तिक २९ गते बिहीबारदेखि काठमाडौंको भृकुटीमण्डपमा ‘फीन इलेक्ट्रो टेक– २०२४’ सुरु हुने भएको छ । ‘प्रविधिको नयाँ आयाम, विद्युतीय सामग्रीमा सुरक्षा र गुणस्तर कायम’ नारासहित आयोजना गर्न लागेको यो मेला ४ दिन अर्थात् मंसिर २ गतेसम्म चल्नेछ ।

११औं संस्करणको यस फीन इलेक्ट्रो टेकमा इलेक्ट्रिक तथा इलेक्ट्रोनिक्स सामग्रीहरुको किनबेचसँगै यस बारेमा आवश्यक जानकारी समेत उपलव्ध गराइनेछ । साथै यो वर्ष इलेक्ट्रिक सामग्रीको सुरक्षित प्रयोग र गुणस्तरलाई विशेष प्राथमिकता दिइएको फीनका अध्यक्ष रेशम प्रसाद देवकोटाले जानकारी दिए ।

प्रत्येक दुई–दुई वर्षमा आयोजना हुने ‘इलेक्ट्रो टेक’ मेलाअन्तर्गत यो वर्षको मुख्य प्रायोजन ट्रान्सवेल्ड नेपाल प्रा.लि.ले गर्नेछ । फिन इलेक्ट्रो टेक २०२४ू को हल भित्र ४४ वटा ब्लकहरु, २८ स्टलहरु रहेको एक प्याभिलिएन रहेको छ र हल बाहीर डोममा २६ वटा स्टलहरु रहेने संघले जनाएको छ ।

भित्रको २८ स्टलहरु रहेको प्याभिलिएनमा इन्डिया पावर शो को लागि इन्डियन उद्योगी एवं व्यवसायीहरुले बुकिङ्ग गरेका छन् । फिन इलेक्ट्रो टेक २०२४ मा हल भित्र र हल बाहिर गरि जम्मा ९८ वटा प्याभिलियन तथा स्टलहरु रहेका छन् ।

नेपाली उत्पादन लगायत बहुराष्ट्रिय कम्पनीहरुको उत्पादनहरु, ट्रान्समिसन तथा डिष्ट्रिव्यूसन सामाग्री, उर्जा आपूर्ति तथा नियन्त्रण यन्त्र, हाउस वायरिङ्ग सामाग्री, वायर, केबुल एवं कण्डक्टर, अत्याधुनीक प्रकारका स्वीचहरु, एलिडी लाइटिङ्ग, इलेक्ट्रोनिक्स उपकरण, घरेलु विद्युतीय उपकरणहरू, कार्यालय प्रविधि, बहुसञ्चार उपकरण, सूचना प्रविधि, वैकल्पिक उर्जा तथा अन्य विद्युतीय सामग्रीको प्रदर्शन गरिनेछ ।

प्रदर्शनीमा अधिकांश सहभागी संस्थाहरूले उपभोक्ताहरूसंग प्रत्यक्ष अन्तक्रिया गरी आफ्ना उत्पादनहरू बारे जानकारी दिनेछन भने अवलोकन कर्ताको सहजता तथा खरिद गर्न रुचाउने आगन्तुकहरुका लागि छुट्टै सेल्स एरियाको व्यवस्था गरिएको संघको भनाई छ ।

स्वदेशी उत्पादन लगायत भारत, चिन, जापान, ताइवान, फ्रान्स, स्पेन, मलेसिया, जर्मनी, इटाली, अष्ट्रेलिया आदिका विभिन्न इलेक्ट्रीक तथा इलेक्ट्रोनिक्स सम्बन्धी उत्पादनहरु प्रदर्शन रहने छन् ।

मेलामा ट्रान्सवेल्डड, प्रिमियर, अर्किड, जानकी, सि एण्ड एस, लिशा, टिन्न, स्विफट गोल्ड, बेइजाई, जनता, एच.पि.एल, फिलिप्स, हेभल्स, सिमेन्स, उषा, एंकर, ओरियन्ट, चिन्ह, हिमस्टार, जन्मीक, सिब्लाईट, एरियोल्ड, इण्डोटेक, गोल्डम्यान लगाएतका स्वदेशी तथा विदेशी ब्राण्डहरुका सहभागित रहने छ ।

चार दिनसम्म बाने प्रर्दशनीमा देश भित्र तथा बाहिरबाट आमन्ति अतिथि उद्योगी व्यसायी, सरकारका उच्च अधिकारी, आर्किटेक्चर , इलेक्ट्रीकल इन्जीनियर, इन्टेरियर डेकोरेटर, प्राविधिककमी, नेपाल भरका विद्युतीय व्यवसायीहरु, सहभागि रहने जनाएको छ । चारदिनसम्म चल्ने मेलामा करिब ५० हजारभन्दा बढीले मेलाको अवलोकन गर्ने जनाइएको छ ।