काठमाडौं । सन्जितकुमार राईले डब्लुुएमएसी वेल्स खुला प्रतियोगितामा स्वर्णसहित दुई पदक जित्नुभएको छ । नोभेम्बर २४ तारिखमा इबीबीडब्लु भेल लिजर सेन्टर, साउथ वेल्समा भएको प्रतियोगितामा सन्जितले दुई स्पर्धामा समान एक-एक स्वर्ण र रजत जित्नुभएको हो ।

सन्जितले क्रिएटिभ फम्सको मिक्स ब्ल्याकवेल्ट सफ्ट स्टायलमा स्वर्ण जित्नुभयो । उहाँले २६.७ अंक जोड्नुभयो । ट्रेडिसनल फम्सको मिक्स ब्ल्याकवेल्टमा रजत जित्ने क्रममा सन्जितले २६.४ स्कोर गर्नुभयोे । प्रतियोगितामा ४५० खेलाडीको सहभागिता रहेको बताइएको छ । प्रतियोगिताको क्रममा सन्जितको डब्लुएमएसी वेल्सका अध्यक्ष क्रिस स्पाक्र्ससंग पनि भेट भएको थियो ।

सन्जितको पाँचौं अन्तर्राष्ट्रिय पदक हो । यसअघि सन्जितले सन् २०२२ मा स्लोभेनियामा भएको विश्व मार्सल आर्ट्स गेम्समा एक स्वर्ण र एक कांस्य तथा २०२४ मा अमेरिकाको न्युजर्सीमा भएको ब्याटल अफ ड्रागन मार्सल आर्ट्स च्याम्पियनसिपमा स्वर्ण जित्नुभएको थियो । राष्ट्रिय उमा कुङफु प्रतियोगिताको दुई फरक संस्करणमा सन्जितले दुई स्वर्ण जित्नुभएको छ ।

सनिजतले भारत, अस्ट्रिया र जर्मनीमा भएको प्रतियोगितामा निर्णायकको भूमिका निर्वाह गर्नुका साथै विभिन्न घरेलु प्रतियोगितामा मुख्य निर्णायका रुपमा पनि काम गर्नुभएको थियो । सन्जित नेपाल उमा कुङफु संघका नवनिर्वाचित अध्यक्ष हुनुहुन्छ ।