काठमाडौं । काठमाडौंको चाबहिलस्थित केएल टावरले दशैँतिहारका अवसरमा आयोजना गरेको ‘रमाइलो दशैँतिहार उपहार योजना’ का विजेतालाई उपहार प्रदान गरेको छ । शनिबार आयोजित एक समारोहबीच विजेतालाई उपहार योजनाअन्तर्गतको बम्पर उपहारसहित अन्य उपहार प्रदान गरिएको हो ।

असोज १३ गतेदेखि कात्तिक ३० गतेसम्म सञ्चालित उपहार योजनाअन्तर्गतको बम्पर उपहार कुपन नम्बर ६९३९ का फुर्वा शेर्पाले जित्नुभएको छ । उहाँलाई सिजी मोटर्स प्रालि (हिरो) का सिनियर म्यानेजर प्रदीप पालले स्कुटरको चाबी हस्तान्तरण गर्नुभएको थियो । दैनिक तथा साप्ताहिक योजनाअन्तर्गत विभिन्न उपहार राखिएको थियो भने एक भाग्यशाली ग्राहकले बम्पर उपहारस्वरूप हिरो ब्राण्डको जुम स्कुटर जित्ने मौका दिइएको थियो ।

दैनिक तथा साप्ताहिक योजनामा सहभागी भई गोलाप्रथामार्फत् विजेता बनेका ४० जनालाई टेक्नो स्मार्टफोन, अल्टिमा लाइफस्टाइलका घडी तथा एयर बड्स, बाल्ट्राका घरायसी उपकरण, सफारी ब्राण्डका लगेज तथा ब्याग, एभरेस्ट ब्राण्डका साइकल वितरण गरिएको छ ।

केएल टावरका प्रमुख कार्यकारी अधिकृत रमेश कक्षपतीले विजेताहरूलाई उपहार हस्तान्तरण गर्नुभएको थियो । सेलिब्रेसन अवधिमा केएल टावरमा करिब साढे दुई लाख उपभोक्ता पुगेकामा १७ हजारभन्दा बढीले एक हजार रुपैयाँभन्दा बढी मूल्यको सामान खरिद गरी सेलिब्रेसनमा सहभागिता जनाएका थिए ।