काठमाडौं । सिद्धार्थ बैंक नेपाल प्रिमियर लिग (एनपिएल)मा जनकपुर बोल्ट्सले लगातार चौथो जित दर्ता गरेको छ ।
लुम्बिनी लायन्सलाई १ रनले पराजित गर्दै जनकपुर बोल्ट्सले लगातार चौथो जित दर्ज गरेको हो ।
जनकपुरको जितमा हर्ष थाकेरले घातक बलिङ गरे । ४ ओभर बलिङ गरेका उनले ५ विकेट लिए । उनले २३ रन मात्रै खर्चिए ।
शेर मल्ल, ललित राजवंशी र किशोर महताले समान १–१ विकेट लिए ।
जनकपुरले दिएको १ सय ३७ रनको लक्ष्य पछ्याएको लुम्बिनी निर्धारित ओभरमा ८ विकेट गुमाएर १३५ रनमा समेटियो ।
कप्तान रोहित पौडेलले ३५ र टम मूर्सले ३१ रन बनाए । अर्जुन साउँदले २० रन जोडे भने आशुतोष घिरैयाले ८ रन मात्रै जोड्न सके ।
बेन कटिङले ३ रनको योगदान दिँदा सन्दीप जोरा अन्तिम बलमा १६ रन बनाउँदै आउट भए । साद बिन जफर शून्य रनमा आउट हुँदा दुर्गेश गुप्ता ५ रनमा नट आउट रहे ।
त्यसअघि टस हारेर ब्याटिङ गरेको जनकपुरले निर्धारित २० ओभरमा ९ विकेट गुमाएर १ सय ३६ रन बनायो ।
जनकपुरका कप्तान अनिल शाहले सर्वाधिक ४५ रन जोडे । उनले ३९ बलमा १ चौका र ४ छक्का प्रहार गरे ।
लाहिरु मिलन्थाले २३ बलमा २ चौकाको सहयोगमा २४ रन बनाए । शुभ कसांकरले २४ बलमा नट आउट २२ रन जोडे । आसिफ शेख १० बलमा १६ रन बनाए ।
हर्ष थाकेर, जेम्स निशाम समान १–१ रन जोडे । मोहम्मद मोहसिनले ३ रनको योगदान दिए । हेमन्त धामीले ९ रन जोडे ।
लुम्बिनीका लागि अभिषेक गौतमले सर्वाधिक ३ विकेट लिए । रोहित पौडेल र साद बिन जफरले समान २–२ विकेट लिए । सन्दीप जोराले १ विकेट लिए ।
लुम्बिनीले लगातार ४ खेलमा हार बेहोरेर दबाबमा छ । आजको खेल गुमाएसँगै उसको प्लेअफ सम्भावना कठिन बनेको छ । लुम्बिनी विराटनगर किंग्स, पोखरा एभेन्जर्स, सुदूरपश्चिम रोयल्स र जनकपुर बोल्ट्ससँग पराजित भयो ।
जनकपुरले भने लगातार चौथो जित निकाल्दै प्लेअफ सम्भावना थप बलियो बनाएको छ । जनकपुरले विराटनगर, कर्णाली याक्स, पोखरा र लुम्बिनीलाई पराजित गरेको छ ।
चितवन राइनोजसँग हार्यो सुदूरपश्चिम रोयल्स
यस्तै सिद्धार्थ बैंक नेपाल प्रिमियर लिग(एनपिएल)मा सुदूरपश्चिम रोयल्सले पहिलो हार बेहोरेको छ ।
आज भएको खेलमा चितवन राइनोजसँग पराजित भएसँगै सुदूरपश्चिम रोयल्सले पहिलो हार बेहोरेको हो ।
चितवन राइनोजले दिएको १ सय ६५ रनको लक्ष्य पछ्याएको सुदूरपश्चिम रोयल्स १८.२ ओभरमा सबै विकेट गुमाएर १ सय ३१ रनमा समेटियो ।
सुदूरपश्चिम रोयल्सलाई सस्तैमा समेट्न चितवन राइनोजका सबै बलरले उत्कृष्ट बलिङ गरे । रिजन ढकाल, कुशल मल्ल, जन निकोल लोफ्टी ईटन र अमरसिंह रौटेलाले समान २–२ विकेट लिए । रञिजत कुमार र सोहेल तनबीरले समान १–१ विकेट लिए ।
सुदूरपश्चिमका लागि इशान पाण्डेले ३५ रन बनाउनु बाहेक अन्य ब्याटरले उत्कृष्ट प्रर्दशन गर्न सकेनन् । सैफ जैबले १८ रन बनाउँदा विनोद भण्डारी १० रनमा आउट भए ।
ब्रान्डन मक्मेलनले १३ रनको योगदान दिए भने दिलप्रीत बाजवा १२ रनमा एलबीडब्लुको धरापमा परे ।
आरिफ शेख लगातार फ्लप भइरहेका छन् । उनि आजको खेलमा पनि ४ रनमा आउट भए ।
कप्तान दीपेन्द्रसिंह ऐरी १ रनमा क्याच आउट भए भने नरेश बुढाऐर पनि ५ रनमा आउट भए ।
स्कट कुग्गेलिजनले १६ रनको योगदान दिए भने नरेन साउँद १० रनमा कट एण्ड बोल्ड भए । अभिनाष बोहरा शून्य रनमा नट आउट रहे ।
त्यसअघि टस जितेर पहिले ब्याटिङ गरेको चितवन राइनोजले निर्धारित ओभरमा ५ विकेट गुमाउँदै १६४ रन जोड्यो ।
चितवन राइनोजका लागि हसन इसाखिलले सर्वाधिक ६५ रन जोडे । सन्तोष कार्कीले ९ रनको योगदान दिए ।
बिपीन रावलले १७ रन जोड्दा कप्तान कुशल मल्ल १९ रनमा आउट भए । रवि बोपाराले ३६ रनको योगदान दिए । जान निकोल लोफ्टी ईटन २ रन र अमरसिंह रौटेला ६ रनमा नट आउट रहे ।
बलिङमा सुदूरपश्चिम रोयल्सका स्कट कुग्गेलिजनले सर्वाधिक २ विकेट लिए । ब्रान्डन मक्मेलन र सैफ जैब र दीपेन्द्रसिंह ऐरीले समान १–१ विकेट लिए ।
खेल तालीका
