काठमाडौं । रोचक बन्दै गएको नेपाल प्रिमियर लिग लुम्बिनी लायन्स, विराटनगर किंग्स, पोखरा एभेञ्जर्स र काठमाडौं गुर्खाज लिग चरणबाट बाहिरिएका छन् भने सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स खेलको अर्को चरणमा प्रवेश गर्दै छन् ।

नेपाल प्रिमियर लिग (एनपिएल) मा आज क्वालिफायर-१ र एलिमिनेटर विजेताको टुंगो लाग्ने छ । पहिलो क्वालिफायर–१ मा बिहान सबा ९ बजे सुरु हुने छ । जसमा सुदूरपश्चिम रोयल्स र जनकपुर बोल्ट्स आमने-सामने हुने छन् । यसअघि लिग चरणमा सुदूरपश्चिमले जनकपुरलाई ७२ रनले पराजित गरेको थियो । क्वालिफायर १ मा जित्ने टोली सिधै फाइनलमा पुग्ने छ भने हार्ने टोलीका लागि अर्को एक मौका हुने छ । हार्ने टोलीले एलिमिनेटर विजेतासँग प्रतिस्पर्धा गर्ने छ ।

एलिमिनेटर प्रतिस्पर्धामा चितवन राइनोज र कर्णाली याक्स मैदान उत्रने छन् । लिग चरणको भेटमा कर्णालीले चितवनमाथि सात रनको जित निकालेको थियो । एलिमिनेटर प्रतिस्पर्धामा जित्ने टिमले क्वालिफायर १ मा हार्ने टिमसँग खेल्ने छ । त्यो क्वालिफायर २ हुने छ । क्वालिफायर २ मा जुन टिमले जित्छ त्यो फाइनलमा पुग्ने छ । पुस ६ गते एनपिएल पहिलो संस्करणको फाइनल हुने छ ।

एनपिएलमा सहभागी आठ टिममध्ये दीपेन्द्रसिंह ऐरीको कप्तानीमा रहेको सुदूरपश्चिम रोयल्स, अनिलकुमार साहको कप्तानीमा रहेको जनकपुर बोल्ट्स, कुशल मल्लको कप्तानीमा रहेको चितवन राइनोज र सोमपाल कामीको कप्तानीमा रहेको कर्णाली याक्स अर्को चरणमा प्रवेश गर्दा रोहित पौडेलको कप्तानीमा रहेको लुम्बिनी लायन्स, सन्दीप लामिछानेको कप्तानीमा रहेको विराटनगर किंग्स, कुशल भुर्तेलको कप्तानीमा रहेको पोखरा एभेञ्जर्स र करण केसीको कप्तानीमा रहेको काठमाडौं गुर्खाज लिग चरणबाट बाहिरिएका छन् ।

विजेतालाई एक करोड १० लाख पुरस्कार
नेपाल प्रिमियर लिग (एनपिएल)को विजेताका लागि पुरस्कार घोषणा गरिएको छ । नेपाल क्रिकेट संघ (क्यान)ले मंगलबार विज्ञप्ति जारी गर्दै पुरस्कार घोषणा गरेको हो । एनपिएल विजेताले एक करोड १० लाख पुरस्कार पाउने क्यानले जनाएको छ । दोस्रो हुनेले ५१ लाख, तेस्रो हुनेले २५ लाख र चौथो हुनेले १५ लाख पुरस्कार पाउने क्यानको भनाइ छ ।

यसअघि नै प्लेअफमा चार टिम पुगिसकेका छन् । जसमा सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्स रहेका छन् । आज (बुधबार) र भोलि (बिहीबार) प्लेअफका खेल हुने छन् भने शनिबार फाइनल खेल हुने छ ।

खेल तालीका यस्तो थियो ।