काठमाडौँ । हरेक क्षेत्रमा त्यो व्यक्ती सफल हुन्छ जसले प्राविधिक पाटो सबै बुझेको हुन्छ, नेपाली क्रिकेट जगतले पुन यो कुराको पुष्टी गरिदिएको छ । यसका लागी नेपाल क्रिकेट संघका सचिव पारस खड्का धन्यवादका पात्र वनेका छन । एनपीएलको अभुतपुर्व सफलता पश्चात पारस लेख्छन्, “अर्को संस्करणलाई अझ सभ्य र भव्य बनाउनु पर्ने छ” । एनपीएलको पहिलो संस्करण सकिए लगत्तै सचिव खड्काले सामाजिक सञ्जाल फेसबुकमार्फत सो कुरा बताएका हुन् ।

उनले भने, ‘भविष्यमा यस लिगलाई विश्वकै उत्कृष्ट लिगहरू मध्येको एक बनाउने हाम्रो लक्ष्यका साथ अर्को संस्करणलाई अझ सभ्य र भव्य बनाउन प्रतिबद्ध रहनेछौँ।’

सचिव खड्काले विजेता जनकपुर बोल्ट्सलाई बधाई दिँदै सम्पूर्ण सहभागी फ्रेन्चाईज टिमहरू र खेलाडीहरूलाई धन्यवाद व्यक्त गरेका छन् ।

साथै उनले प्रतियोगितालाई सम्पन्न गर्न सहयोग गर्ने नेपाल सरकार, प्रधानमन्त्री केपी शर्मा ओली, पूर्व प्रधानमन्त्रीद्वय शेरबहादुर देउवा, पुष्पकमल दाहाल ‘प्रचण्ड’, राष्ट्रिय खेलकुद परिषद, आठ फ्रेन्चाईज टिमका मालिक र सम्पूर्ण प्रायोजक तथा क्रिकेटलाई माया गर्ने सम्पूर्ण समर्थक तथा शुभेच्छुक महानुभावहरूलाई हृदयदेखि धन्यवाद दिएका छन् ।

खड्काले सबैको माया र साथले सीमित श्रोत र साधनका बावजुत भव्यताका साथ प्रतियोगिता सम्पन्न भएको बताएका छन् ।

उनले भनेका छन्- ‘तपाईं सम्पूर्णको माया र साथले सीमित श्रोत साधनका बावजुत देशको गरिमालाई क्रिकेटको माध्यमबाट विश्वसामु पुर्‍याउँदै देशको सिङ्गो अर्थतन्त्र, पर्यटन, खेल, उद्यमलाई नै गतिशील बनाउँदै यस प्रतियोगिता भव्यताका साथ सम्पन्न भएको छ।’