काठमाडौं । युक्रेन युद्ध अन्त्य गर्ने उद्देश्यले साउदी अरेबियामा अमेरिका र रुसबीच वार्ता सुरु भएको छ । तीन वर्षअघि रुसले युक्रेनमाथि आक्रमण गरेपछि यो पहिलो प्रत्यक्ष भेटवार्ता हो ।
यस संवादमा रुसी विदेशमन्त्री सर्गेई लाभरोभ र अमेरिकी विदेशमन्त्री मार्को रुबियो सहभागी हुनुहुन्छ् । यद्यपि, यस बैठकमा युक्रेन वा युरोपबाट कसैलाई पनि आमन्त्रित गरिएको छैन । बिबीसी संवाददाता टम बेटम्यानका अनुसार बैठक सुरु हुनुभन्दा अघि दुवै पक्षमा मौनता थियो । बिबीसीले रुबियोलाई अमेरिकाले युक्रेनलाई बाइपास गरिरहेको छ कि भनेर सोध्दा उहाँले जवाफ दिनुभएन ।
अमेरिकाले यो वार्ता रुस युद्ध अन्त्य गर्न गम्भीर छ कि छैन भनेर पत्ता लगाउने पहिलो कदम भएको बताएको छ भने रुसले अमेरिकासँगको सम्बन्ध सामान्य बनाउने आशा राखेको बताएको छ । तर, युक्रेनी राष्ट्रपति भोलोडिमिर जेलेन्स्कीले युक्रेनलाई समावेश नगरी आफ्नो देशले कुनै पनि सम्झौता स्वीकार नगर्ने बताउनुभएको छ ।(एजेन्सी)
