काठमाडौं । नेपालले १६औं विश्व योगासना च्याम्पियनसिपमा दुई स्वर्णसहित ६ पदक जितेको छ । नेपालले थप एक रजत र तीन कांस्य पदक पनि जित्यो । मलेसियाको क्वाललम्पुरमा चैत २३ र २४ गतेसम्म भएको प्रतियोगितामा ९ देखि ११ बर्ष उमेरसमूहमा प्रयासजंग चौहान र १२ देखि १४ वर्ष उमेरसमूहमा प्रत्युषा खतिवडाले स्वर्ण पदक जित्नुभयो ।

९ देखि ११ वर्ष उमेरसमूहमा अमिष पटेलले रजत पदक प्राप्त गर्नुभयो । सोही उमेरसमूहमा किरन मगर र संस्कृती चौलागाईं तथा १५ देखि १७ बर्ष उमेर समूहमा सुन्दर सार्कीले कास्य पदक प्राप्त गर्नुभएको छ । २३ राष्ट्रका १५३ खेलाडी सहभागी प्रतियोगितामा नेपालबाट ३१ जना खेलाडी सहभागी भएका थिए ।