तेक्वान्दो टोली चीन जाने

काठमाडौं । दुई फरक अन्तर्राष्ट्रिय तेक्वान्दो प्रतियोगितामा सहभागी हुन दुई खेलाडीसहित तीनसदस्यीय नेपाली टोली आज(सोमबार) चीन जाने भएको छ । दुवै प्रतियोगिताको पुरुष ५८ केजीमुनि सुमित विष्ट र ७४ केजीमुनि आशिष भण्डारीले प्रतिस्पर्धा गर्दै हुनुहुन्छ । प्रशिक्षकमा सयद हसन रेजा रहनुभएको छ ।

टोली पहिले वैशाख १० देखि ११ गतेसम्म ताइवानमा हुने सातौं डब्लुटी प्रेसिडेन्ट्स कप (एसियाली क्षेत्र) मा सहभागी हुनेछ । त्यसपछि टोली वैशाख १६ देखि १७ गतेसम्म हुने १३औँ एसियाली क्लब तेक्वान्दो प्रतियोगितामा सहभागी हुन बुक्सी जानेछ ।

टोलीलाई सफलताको शुभकामना दिँदै राष्ट्रिय खेलकुद परिषद् (राखेप) का सदस्य-सचिव टंकलाल घिसिङ, राखेप कार्यकारी समितिका सदस्यद्वय कमलबहादुर भट्टराई र भानबहादुर चन्दले आइतबार एक कार्यक्रमबीच बिदाइ गर्नुभयो ।