आज २०८२ साल बैशाख ८ गते सोमवार (Apr 21, 2025)

मेष

मेष (चु, चे, चो, ला, लि, लु, ले, लो, अ) शुभकार्य एवं समाजसेवामा मन लाग्नेछ। विद्यार्थीहरूको नयाँ रचना वा ज्ञानमा वृद्धि हुनेछ। पिताको कुरालाई बेवास्था नगर्नुहोस्। मन पर्ने व्यक्तिलाई सहयोग गर्न पाइनेछ। आजको शुभ रंग रातो हो भने शुभ अंक ३ रहेको छ।

मिथुन

मिथुन (का, कि, कु, घ, ङ, छ, के, को, हा) वैदेशिक कार्यहरू अघि बढ्नेछन्। उत्साह र आत्मविश्वासमा कमी नआउन दिनुहोला। सफलताको लागि संघर्ष गर्नुपर्ने रहेकोछ। कार्यक्षेत्रमा आफ्नो कार्यप्रति इमान्दारिता राख्नुहोस्। आजको शुभ रंग केशरी हो भने शुभ अंक ५ रहेको छ।

सिंह

सिंह (मा, मि, मु, मे, मो, टा, टि, टु, टे) व्यापारमा फाइदा हुनेछ। लगनशीलताले रोकिएको कार्य पनि सम्पादन हुनेछ। प्रतियोगी परीक्षामा सफलता मिल्नेछ। आफन्तहरूसँग रमाइलो वा मिठो यात्राका योग छन्। श्रमको उचित मूल्यांकन मिल्नेछ। आजको शुभ रंग हरियो हो भने शुभ अंक १ रहेको छ।

तुला

तुला (रा, रि, रु, रे, रो, ता, ति, तु, ते) सामाजिक दायित्व पूरा गर्नमा सफलता पाइनेछ। प्रयत्न गरेका कार्य सजिलै सम्पादन हुनेछन्। आफन्तहरूको साथ र सहयोग मिल्नेछ। सेवामूलक कामबाट धनलाभ हुनेछ। आजको शुभ रंग गुलाबी हो भने शुभ अंक ७ रहेको छ।

धनु

धनु (ये, यो, भा, भि, भु, धा, फा, ढा, भे) परिस्थितिले गर्दा चिताएका कार्य पूर्ण हुनमा बाधा हुनेछ। नयाँ कार्य प्रारम्भ गर्न उपयुक्त समयको प्रतीक्षा गर्नुहोस्। प्रशासनिक वा राज्यपक्षबाट मनमा भय रहनेछ। आय सामान्य रहनेछ। आजको शुभ रंग पहेलो हो भने शुभ अंक ५ रहेको छ।

कुम्भ

कुम्भ (गु, गे, गो, सा, सि, सु, से, सो, दा) मनमा नयाँ विचारहरू उत्पन्न हुनेछन्। भविष्यलाई लिएर रूपरेखा कोरिनेछ। संगीत वा कलाको क्षेत्रमा विशेष सफलता मिल्नेछ। कार्यक्षेत्रमा तारिफ योग्य कार्यले पद प्रतिष्ठा दिलाउनेछ। आजको शुभ रंग निलो हो भने शुभ अंक ८ रहेको छ।

बृष

वृष (इ, उ, ए, ओ, वा, वि, वु, वे, वो) रोकिएका कार्य प्रारम्भ हुनेछन्। राजनीतिक र प्रशासनिक क्षेत्रको कार्यमा बाधाहरू आउनेछन्। नोकरी वा पेशामा आफ्नो क्षमतालाई दर्शाउने मौका मिल्नेछ। आजको शुभ रंग निलो हो भने शुभ अंक १ रहेको छ।

कर्कट

कर्कट (हि, हु, हे, हो, डा, डि, डु, डे, डो) साझेदारी व्यापारबाट लाभार्जनका योग छन्। दाम्पत्य जीवन सुमधुर रहनेछ। लगनशीलताले महत्वकांक्षी योजनाहरू पूरा हुनेछन्। कार्यक्षेत्रमा सक्रियता बढ्नेछ। आजको शुभ रंग सेतो हो भने शुभ अंक ३ रहेको छ।

कन्या

कन्या (टो, पा, पि, पु, ष, ण, ठ, पे, पो) कार्यक्षेत्रमा कार्यको प्रशंसा हुनेछ। युवावर्गहरूको पढाइमा भन्दा मनोरंजनमा समय बित्नेछ। आफ्नो निजी धारणाहरूलाई कार्यमा हावी हुन नदिनुहोला। आजको शुभ रंग सेतो हो भने शुभ अंक २ रहेको छ।

बृश्चिक

वृश्चिक (तो, ना, नि, नु, ने, नो, या, यि, यु) कार्यशैलीमा परिवर्तन हजुरको लागि लाभदायी रहनेछ। नोकरी वा पेशामा श्रमअनुरूप फल मिल्नेछ। अरुको अप्ठ्यारो कार्य निर्वहन गर्नुपर्ला। शुभचिन्तकहरूले साथ दिनेछन्। आजको शुभ रंग बैजनी हो भने शुभ अंक १ रहेको छ।

मकर

मकर (भो,जा,जि,जु,जे,जो,ख,खि,खु,खे,खो,गा,गि) सकारात्मक ऊर्जाले परिपूर्ण रहनु हुनेछ। कार्यक्षेत्रमा नयाँ अवसर को खोज थियो भने सफलता पाइनेछ। प्रेम सम्बन्ध सुमधुर रहनेछ। प्रशासनिक क्षेत्रमा प्रभाव बढ्नेछ। आजको शुभ रंग रातो हो भने शुभ अंक ५ रहेको छ।

मीन

मीन (दि, दु, थ, झ, ञ, दे, दो, चा, चि) राजनीतिक क्षेत्रमा नयाँ अवसरहरू मिल्नेछन्। कार्यक्षेत्रमा एउटा कार्य सिध्याएर मात्र अर्को कार्य प्रारम्भ गर्नुहोला। विवादास्पद समस्याहरूबाट टाढा रहनुहोस्। आयआर्जनका नयाँ स्रोतहरू बन्नेछन्। आजको शुभ रंग पहेलो हो भने शुभ अंक २ रहेको छ। -ज्योतिष पण्डित धर्मेन्द्र कृष्ण पौडेल