शान्तीपूर्ण र अहिंसात्मक बाटोबाटै परिवर्तन खोजेको छौं: अध्यक्ष लिङ्देन

काठमाडौं । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले वर्तमान व्यवस्था विरुद्धको आन्दोलन शान्तीपूर्ण र अहिंसात्मक हुने बताएका छन्। सोमबार काठमाडौँमा आयोजित एक कार्यक्रममा बोल्दै उनले शान्तीपूर्ण र अहिंसात्मक बाटोबाटै आफूहरुले परिवर्तन खोजेको उल्लेख गरे ।

‘हामी शान्तीपूर्ण आन्दोलनको पक्षमा छौँ, अहिंसात्मक आन्दोलनको पक्षमा छौँ, सत्याग्रहको पक्षमा छौँ,’ लिङ्देनले भने, ‘भारतमा १ सय ९० वर्ष पुरानो ब्रिटिस शासन अहिंसाकै बाटोबाट अन्त्य भएको थियो । यो नाथे गणतन्त्रण दुई वर्ष पुगेको छैन। शान्तीपूर्ण ढंगले हामी लाखौँ जनता सडकमा आयौँ भने क्षणभरमै समाप्त हुन्छ ।’

उनले सत्तामा रहेका केही व्यक्तिहरुले आफ्नो व्यक्तिगत फाइदाको लागि देशको आर्थिक, सामाजिक र शान्तिसुरक्षा अवस्थालाई नाजुक बनाएको आरोप लगाए ।

राजावादी दलहरुले जेठ १५ गतेदेखि संवैधानिक राजसंस्था र हिन्दुराष्ट्र स्थापनाको माग राख्दै अनिश्चितकालिन आन्दोलनको घोषणा गरेका छन् ।