काठमाडौं । त्रिभूवन विश्वविद्यालय भूगोल केन्द्रीय विभाग, किर्तिपुरमा Web-Mapping for Local Government Digital Profile शीर्षकमा कायर्शाला गोष्ठी सम्पन्न भएको छ। उक्त गोष्ठीमा United Nations Mission in South Sudan मा भौगोलिक सूचना प्रणाली विज्ञका रुपमा कार्यरत श्री नारायण महर्जन र दिगो विकास अध्ययन केन्द्रका अध्यक्ष एवं कार्यकारी निर्देशक श्री प्रकाश राईले अतिथि विज्ञहरुको रुपमा आफ्ना प्रस्तुतिहरु दिनु भएको थियो। यस प्रकारका प्राज्ञिक कृयाकलाप अन्तर्गत विज्ञहरुलाइ आमणत्रण गरी कायर्शाला गोष्ठी, सेमिनार र छलफल गर्नेकार्य विभागका आफ्ना नियमित कायर्क्रम हुन्। उक्त कायर्क्रम विभागीय प्रमुख प्रा. डा. उमेश कुमार मण्डलको अध्यक्षतामा, विभागका प्राध्यापकहरु, विद्यावारिधी अध्ययनरत विद्वानहरु, भूगोलमा स्नातकोत्तर तेस्रो सत्र र पहिलो सत्रका विद्यार्थीहरुको सहभागितामा सम्पन्न भएको थियो।

गोष्ठीको सुरुवात गर्दै प्रा. डा. मण्डलले भौगोलिक सूचना प्रणाली (GIS) ले विश्लेषणात्मक उपकरणहरूसँग भौगोलिक तथ्याङ्क संयोजन गर्दै, जटिल भौगोलिक समस्याहरूको मोडेलिङ र समाधान गर्न मद्दत गर्दछ। तसर्थ यस कार्यक्रमले GIS को अभिन्न विधा वेव म्यापिङ (Web-Mapping) जटिल भौगोलिक समस्याहरूको विश्लेषण, मोडेलिङ र समाधान गरि यसलाइ स्थानिय सर्वसाधारण देखि निति निर्माण तह र विश्वका कुनाकुनासम्म पुर्याउन मद्दत हुने र सहभागीहरुले यस गोष्ठीबाट भरपुर लाभान्वित हुन आव्हान गर्नु भयो।

गोष्ठीको मुख्य विज्ञका रुपमा श्री नारायण महर्जनले वेव म्यापिङका सैद्धान्तिक पक्षमा प्रकाश पार्दै कोडिङ (coding) र बिना कोडीङ स्थानीय सरकारलाइ आवश्यक वेव म्यापिङ बनाउने विधी सिकाउनु भयो। अर्को सत्रमा प्रकाश राईले स्थानीय सरकार सञ्चालन ऐन २०७४ले व्यवस्था गरेको दफा ११ र १२ मा स्थानीय पालिका र वडाका काम, कर्तव्य र अधिकार क्षेत्र भित्रका
सम्पूर्ण विषयगत क्षेत्रहरुको स्व-अद्यावधिक हुने प्रणालीमा आफ्ना तथ्याङ व्यवस्थापन गर्न वेव म्यापिङले साघाउने प्रष्ट्याउदै आगामी कायर्क्रममा स्थानीयस्तरबाट तथ्याङ्क संकलन र वेव म्यापिङ गर्ने बताउनु भयो।

कार्क्रमको अन्तमा विभागका उपप्राध्यापक शेर बहादुर गुरुङले गोष्ठीमा सहभागी सम्पूर्णलाई धन्यवाद दिदै भौगोलिक सुचना प्राणालीको क्षेत्रमा सदैव नविनतम प्रविधीहरूसंग अद्यावधिक भैरहनु पर्ने बताउनु भयो।