काठमाडौं । टाटा मोटर्सको नेपालका लागि आधिकारिक बिक्रेता सिप्रदी ट्रेडिङ प्रालिले यही असार २३ गते जुलाई ३ देखि ७ जुलाईसम्म ७.७ डिल्स लाइक नेभर विफोर विशेष कार्यक्रम आयोजना गरेको छ । कार्यक्रमअन्तर्गत जुनसुकै ब्राण्डका पुराना गाडी साटेर टाटा ब्राण्डका पेसेन्जर श्रेणीअन्तर्गत नेपालमा सर्वाधिक रुचाइएका अत्याधुनिक प्रविधियुक्त नयाँ टियागो इभी, पन्च इभी, नेक्सन के ३ इभी र कभ इभी एक्सचेन्ज तथा खरिद गर्न सकिनेछ ।

७.७ डिल्स लाइक नेभर विफोर कार्यक्रमअन्तर्गत ग्राहकलाई लक्षित गर्दै हरेक टाटा गाडीको खरिदमा जोडीका लागि थाइल्याण्ड भ्रमणका साथै एक वर्षको अटोप्लस बीमा, दुर्ई आर्थिक वर्षसम्मको सवारी कर, एसेसोरिज, वारेन्टी अवधिभर चार्जिङ सेवा, चार्जिङ बक्ससहित जडान र एम्बोस्ड नम्बर प्लेट जस्ता सुविधा निःशुल्क रूपमा प्राप्त गर्न सक्नेछन् ।

सो अवसरमा ग्राहकले नेपालभर रहेका टाटा मोटर्सका शोरुम गई नयाँ तथा अत्याधुनिक डिजाइनका गाडी अवलोकन तथा हरेक टेस्ट ड्राइभ, बुकिङ र गाडी मूल्यांकन गर्दा ग्राहकलाई आकर्षक उपहार प्रदान गरिने कम्पनीले जनाएको छ । एक भाग्यशाली विजेताले बम्पर पुरस्कार स्वरूप आइफोन १६ जित्ने अवसरसमेत पाउनेछन् । पाँच दिनसम्म सीमित कार्यक्रम अवधिमा टाटा मोटर्सका देशभर रहेका आधिकारिक शोरूममा कार्यक्रम सञ्चालन हुनेछ । सिप्रदीले विद्युतीय यात्रा सहज, सुरक्षित र लाभदायी बनाउने प्रतिबद्धतासाथ ‘७.७ डिल्स लाइक नेभर विफोर’ लाई उपभोक्तामैत्री र मूल्य प्रवद्र्धित अवसरका रूपमा प्रस्तुत गरिएको जनाएको छ ।