ईयूले आफूमाथि लगाएको ५० करोड यूरो जरिवानाविरुद्ध पुनरावेदन गर्दै एप्पल

काठमाडौं । एप्पलले सोमबार युरोपेली संघ ईयूद्वारा लगाइएको ५० करोड यूरो (झण्डै ५८० मिलियन डलर) जरिवानाविरुद्ध अपील दर्ता गरेको छ। उक्त जरिवाना कम्पनीले एप स्टोरबाहिर वैकल्पिक भुक्तानी प्रणाली अपनाउन डेभलपरलाई अनुमति नदिएको आरोपमा लगाइएको थियो।

युरोपेली आयोगले अप्रिलमा यो जरिवाना लगाएको थियो। आयोगका अनुसार एप्पलले डिजिटल मार्केट्स एक्ट (डीएमए) अन्तर्गत डेभलपरहरूलाई आफ्ना एपमार्फत एप स्टोर बाहिरबाट भुक्तानी लिन दिने नियम पालना गरेको थिएन।

टेकक्रञ्चका अनुसार एप्पलले जुनको अन्त्यतिर युरोपेली बजारका लागि आफ्नो शुल्क संरचना परिमार्जन गर्दै नयाँ जटिल प्रणाली प्रस्तुत गरेको थियो। यसमा प्रारम्भिक अधिग्रहण शुल्क, स्टोर सेवा शुल्क, र मूल प्रविधि आयोग समावेश गरिएको छ, जसले वैकल्पिक भुक्तानी प्रणालीको प्रयोगलाई समेट्ने प्रयास गरेको देखिन्छ। यो कदम थप जरिवाना टार्न गरिएको प्रयासका रूपमा हेरिएको छ।

एप्पलले भनेको छ, “युरोपेली आयोगको निर्णय — र यो अभूतपूर्व जरिवाना — कानुनले माग गरेको भन्दा धेरै पर जाने हामी विश्वास गर्छौं। हाम्रो अपीलले आयोग हामीलाई हाम्रो स्टोर कसरी सञ्चालन गर्ने भन्ने निर्देशन दिइरहेको छ र डेभलपर तथा प्रयोगकर्ताका लागि अन्योलपूर्ण व्यावसायिक सर्तहरू जबरजस्ती लागू गरिरहेको छ भन्ने देखाउनेछ।”

नयाँ आईफोन १७ प्रोमा एल्युमिनियम डिजाइन र एप्पल लोगो नयाँ ठाउँमा रहने

यस्तै गत हप्ता आगामी आईफोन १७ प्रोमा रिपोजिसन गरिएका ‘एप्पल लोगो’ सहितका तस्विहरु देखा परेका थिए। एप्पल लीकर मजिन बुले डिभाइसको नयाँ लुक्स प्रदान गर्ने उक्त तस्विहरु सार्वजनिक गरेका थिए।

गत हप्ताको नयाँ एप्पल लोगो प्लेसमेन्ट कस्तो देखिनेछ भनेर पहिलो भलक प्रदान गर्ने तस्बिरसँगै अब नयाँ तस्बिरहरु पनि देखा परेका छन् जसले अझ धेरै स्पष्ट रूप प्रदान गर्दछ।

त्यसैगरी एप्पलले नयाँ आईफोन १७ प्रोको लागि अब सबै एल्युमिनियम फ्रेम र क्यामरा बम्पको साथ टु–टोन डिजाइन चयन गर्ने भएको छ। यद्यपि, नयाँ आईफोन १७ प्रो को यस डिजाइनको बारेमा भने धेरै चर्चा गरिएको छैन। यस बाहेक, डिभाइसमा वायरलेस चार्जिङ, म्यागसेफ, र वायरलेस पासथ्रुको लागि त्यहाँ अझै पनि ग्लासको टुक्रा हुने उल्लेख गरिएको छ।

हालको यो नयाँ तस्बिरले एउटा प्रमुख डिजाइन विवरण प्रकट गरेको र नयाँ लोगो प्लेसमेन्ट सुरुमा सोचेको जस्तो अनौठो नभएको देखाएको जनाइएको छ। एप्पल लोगो अझै पनि केन्द्रमा नै हुनेछ तर यो फोनको वास्तविक केन्द्रमा नभइ फोनको ग्लासको टुक्रामा केन्द्रित हुने बताइएको छ।

यो निश्चित रूपमा अझै पनि एक अनौठो डिजाइन विकल्प भएको बताइएको छ र योसँग अभ्यस्त हुनका लागि थप केही समय लाग्ने उल्लेख गरिएको छ। यस बाहेक, मजिन बुले सुरुमा यो विवरणको बारेमा दाबी साझा गरेको केही समयपछि प्रतिष्ठित लीकर सोनी डिक्सनले पनि यो दावीलाई समर्थन गरेको हुनाले यो सम्भवतः बाहिर आउने बलियो सम्भावना देखिएको ९टु५म्याकले रिपोर्ट गरेको छ।(एजेन्सी)