काठमाडौं । आन्दोलनरत चिकित्सकहरूको मागमा सरकारको उदासीन र गैरजिम्मेवार व्यवहार देखाएको भन्दै डा. सुनिलकुमार शर्माले आपत्ति जनाएका छन्।
सोमबार प्रतिनिधि सभाको आकस्मिक समयमा बोल्दै डा.शर्माले सरकारले लिएको नीति र कानुनी संरचनालाई लज्जास्पद, दुखद र गैरवैज्ञानिक भन्दै गम्भीर प्रश्न उठाएका हुन्।
सोमबार उपभोक्ता अदालतको फैसलाबिरुद्ध चरणवद्ध आन्दोलनमा उत्रिएका चिकित्सक तथा अस्पताल सञ्चालकहरुले अस्पतालमा आकस्मिक बाहेकको सेवा बहिस्कार गर्ने जनाएका छन्।
‘आज नेपालभरका सबै ओपीडी सेवा बन्द छन्। नेपाल मेडिकल काउन्सिलमा दर्ता भएका चिकित्सकहरू कालो पट्टी बाँधेर सडकमा उत्रिन बाध्य भएका छन्, यो कुनै सामान्य अवस्था होइन’ उनले भने ,’यो अत्यन्तै बिडम्बनापूर्ण र चिन्ताजनक परिस्थिति हो।’
उनले विशेषतः नेपाल मेडिकल काउन्सिलले उपचार गर्ने अधिकार दिएको चिकित्सकको कार्यको मूल्याङ्कन उद्योग मन्त्रालय अन्तर्गतको गैर-चिकित्सकीय निकायले गर्ने कानुनी व्यवस्था प्रति कडा असहमति जनाए।
डा. शर्माले स्वास्थ्य क्षेत्रमा ढाँचागत सुधारको खाँचोलाई औंल्याउँदै स्मरण गराए, ‘वि.सं. २०४८ मा नेपालमा १,३०० डाक्टरको दरबन्दी थियो।
