काठमाडौं । राष्ट्र राष्ट्रियता तथा राष्ट्र धर्म जोखिममा पर्नु हुदैन, यसका लागी नागरीक समाज सधै चनाखो रहनुपर्छ भन्ने मुख्य उदेश्य सहित यो कार्यक्रम आयोजना गरिएको आयोजकले बताए । कार्यक्रमको मुख्य विषय, यस्तो अवस्थामा नागरीक समाजले टलुटुलु हेरेर बस्ने, हाम्रो भूमिका के हुने, भन्ने रहेको थियो । कार्यक्रम क्वालिटी व्याङ्केट बुद्दनगरमा आयोजना गरिएको थियो । उक्त कार्यक्रमा देशका बिभिन्न बिधाबाट प्रबुद्द विद्वत वर्गको उपस्थिती रहेको थियो ।

कार्यक्रम युवा जेन-जी पिढिहरुले गत २३ र २४ गते ल्याईदिएको अभुतपुर्व परिवर्तन र यस पछि उत्पन्न परिस्थितिको बारेमा केन्द्रित थियो । कार्यक्रममा युवा जेन-जी पिढिहरुको पनि उल्लेख्य सहभागीता थियो । उक्त कार्यक्रममा समाजका बिभिन्न तहमा रहेर समाजसेवा गर्ने समाजसेवीहरुलाई सम्मान तथा प्रमाण पत्र प्रदान गरिएको थियो ।

प्रमुख अतिथी डा.भोला रिजाल रहनु भएको उक्त कार्यक्रममा बैज्ञानिक कपिल पौडेल, चर्चित तथा बरिष्ठ अधिबक्ता दिनेश त्रिपाठी, पुर्व आईजिपी सर्वेन्द्र खनाल, डा. नविन मण्डल, डा. सुनिता भट्टराई, समाजसेवी भरत बस्नेत, लहानु चौधरी, प्रकाश गिरि, आरके शाक्य, आरसि खत्री, माधब सुन्दर खड्का लगाएत बिशिष्ठ ब्यक्तिहरुको उपस्थिती रहेको थियो ।

जेन-जी तथा अधिकांस वक्ताहरुको मन्तव्यमा देश प्रेम तथा देश विकाशका भावी योजना प्रस्ट झल्किन्थ्यो । यस कार्यक्रमका परिकल्पनाकार, राष्ट्रप्रेमी डा. सुन्दर सिह बोहरा, जसले नेतृत्व बिकास तथा मानब संसाधनमा विद्यावारिधी गर्नु भएको छ, भन्नुहुन्छ, “देश अहिले बिषम परिस्थितिमा छ, राज्यको नीति बनाउने राजनीतिक दलहरु मुख दर्शक भएका छन, दल र तिनका नेताहरुको कालो कर्तुत र तिनले गरेको भ्रष्टचारले गर्दा, आमजनताको दलहरूतर्फको झुकाव निक्कै गिरेको छ, बिदेशी चलखेल बडेको छ, यस्तो बिषम परिस्थितिमा नागरिक समाज, जो आफु बुझ्छ र अरुलाई बुझाउन पनि सक्छ, त्यस्ता प्रबुद्ध ब्यक्तित्वहरूलाई एकिकृत गरी राष्ट्र र राष्ट्रियता बचाउन गरिएको यो एक नागरिक स्तरको कार्यक्रमका हो” ।