काठमाडौं । नेपाली लेखक संघ केन्द्रीय सचिवालयको बैठक काठमाडौंमा सम्पन्न भएको छ । उक्त बैठकले नेपाली लेखक संघ केन्द्रीय कार्य समितिको पूर्ण बैठक २०८२ माघ १७ गते काठमाडौंको गोकर्णस्थित शहीद पार्कमा बस्ने निर्णय गरेको छ ।

नेपाली लेखक संघ केन्द्रीय समितिद्वारा माघ १७ गते, शहीद पार्कमा नै शहीद दिवसको सन्दर्भमा साहित्यिक जमघट कार्यक्रम आयोजना गर्ने निर्णय गरेको छ । कार्यक्रमको तयारीका लागि तयारी समिति पनि गठन गरेको छ । समितिमा बिसुकुमार केसी संयोजक, युवराज डिसी, नारायण सापकोटा, सुदर्श आचार्य र पौडेल विमुन्स सदस्य रहनु भएको छ ।

बैठकले नेपाली लेखक संघ केन्द्रीय समितिद्वारा ध्रुवचन्द्र गौतम, लेखनयात्रा र व्यक्तित्व परिचर्चा कार्यक्रम आयोजना गर्ने निर्णयसमेत गरेको छ । उक्त कार्यक्रमको तयारीका लागि पनि समिति गठन गरेको छ । समितिमा बिसुकुमार केसी संयोजक, मनोज न्यौपाने, अनुपमा रेग्मी, महेन्द्र वाग्ले र पौडेल विमुन्स सदस्य रहनु भएको छ । परिचर्चा कार्यक्रमको मिति र स्थान तयारी समितिले नै तय गर्ने निर्णय जनाएको छ ।