काठमाडौं । “आईफोन १५” सिरिज यसअघिका सिरिजको भन्दा प्रारम्भिक महिनाहरूमा उच्च बिक्री हुने अपेक्षा गरेको बताइएको छ ।
केही महिनामा, कम्पनीले अर्को पुस्ताका आईफोन १५ लाइनअपको रूपमा घोषणा गर्ने तयारी गरीरहेको छ ।
आईफोन १५ को लागी उच्च बिक्रीको आशा गर्दै, कुपर्टिनोमा आधारित टेक जायन्टले जुलाई अर्थात् अर्को महिनादेखि खुद्रा विक्रेताहरूमा स्टक अप गर्ने तयारी सुरु गर्ने भएको छ ।
गत वर्ष आईफोन १४ प्रो र आईफोन १४ प्रो म्याक्सको लागि लामो प्रतीक्षा गर्नु परेको थियो । यस पटक डिभाइसलाई प्रारम्भिक स्टक गरेर, कम्पनीले आपूर्ति श्रृंखला अवरोधहरूबाट बच्न प्रयास गरिरहेको उल्लेख गरीएको छ ।
रिपोर्टका अनुसार, एप्पलले आईफोन १५ लाईनअपको आईफोन १३ र आईफोन १४ मोडलहरू भन्दा राम्रो बिक्री हुने अपेक्षा गरेको छ। यसले माग पूरा गर्न सक्ने सुनिश्चित गर्न प्रयास गरिरहेको पनि बताइएको छ।
एप्पल आईफोन १५ मा सुधारिएको डिजाइन, फास्ट प्रोसेसर र राम्रो क्यामरा सेटअप सहित धेरै नयाँ सुविधाहरू र सुधारहरू आउने बताइएको छ ।
डिभाइसमा एप्पल ए १७ बायोनिक चिपसेट, ४८ मेगापिक्सेलको प्राथमिक सेन्सरको साथ नयाँ क्यामरा प्रणाली, वाईफाई ६ई को लागि समर्थन, र लामो ब्याट्री लाइफद्वारा संचालित हुने अपेक्षा गरिएको छ ।
लन्च मिति अझै पुष्टि भई नसकेपनि कम्पनीले आफ्नो परम्परालाई पछ्याउने तथा एप्पल आईफोन १५ सिरिज, नयाँ एप्पल वाच सिरिज ९ को साथमा सेप्टेम्बर महिनामा घोषणा गर्ने अपेक्षा गरिएको छ । त्यसको केही हप्ता पछि नै डिभाइसहरू बिक्रीमा जाने बताइएको छ ।
