काठमाडौं । हरेक बिहान पेट सफा भएमा दिन राम्रो हुन्छ तर दिसा कडा र कब्जियत भएमा दिनभर पेट दुख्ने समस्या हुन सक्छ । पेट सफा भयो भने रोग पनि शरीरबाट टाढा रहन्छ ।
धेरै पटक तैलीय र भुटेको खानेकुरा खाँदा कब्जियतको समस्या हुने गर्छ । यसबाहेक जीवनशैलीका कारण कब्जियत र कडा दिसाको समस्या पनि सुरु हुन्छ । यहाँ हामी तपाईलाई केही यस्ता टिप्स बताउन गइरहेका छौँ, जसलाई अपनाएर तपाईले आफ्नो शरीरलाई रोगबाट टाढा राख्नुका साथै कब्जियत जस्ता समस्याबाट मुक्ति पाउन सक्नुहुन्छ ।
कब्जियत कसरी हटाउने?:
–कब्जियतबाट राहत पाउन मेथीको दाना लिन सक्नुहुन्छ । यसका लागि एक चम्चा मेथीको दानालाई एक गिलास पानीमा भिजाएर रातभर राख्नुहोस् । भोलिपल्ट बिहान मेथीको दाना चपाएर खानुहोस् र यसको पानी पिउनुहोस्। यसो गर्नाले कब्जियतको समस्या हट्छ ।
–कब्जियत र कडा दिसाबाट बच्न आफैलाई हाइड्रेटेड राख्नुहोस्। दिनभरि कम्तीमा ८ देखि ९ गिलास पानी पिउनुहोस्। यसबाहेक राती सुत्नुअघि एक गिलास दूध पिउनुहोस् । दूध पिउनाले कब्जियतको समस्या निको हुन्छ ।
–बेलुकाको खाना खाइसकेपछि एक चम्चा त्रिफला धुलो मनतातो पानीमा मिसाएर पिउनुहोस् । यसको सेवनले पेटको समस्या हट्छ र पाचन प्रणाली राम्रोसँग काम गर्छ ।
–कब्जियतबाट छुटकारा पाउन बिहान खाली पेटमा एक गिलास मनतातो पानीमा कागतीको रस र कालो नुन मिसाएर पिउनुहोस् । यो पिउनाले कब्जियत हट्छ र पेट सफा हुन्छ ।
