काठमाडौं । अर्जेन्टिनी स्टार लियोनल मेसीको कप्तानीमा रहेको अमेरिकी क्लब इन्टर मियामी कन्काकाफ इन्टरनेसनल च्याम्पियन्स कपअन्तर्गत सेमिफाइनलमा भान्कुभर हृवाइट क्याप्ससँग पराजित भएको छ । सेमिफाइनलको दोस्रो लेगमा बुधबार राती मियामीले ३-१ को हार बेहोरेको हो । त्यसअघि पहिलो लेगमा २-० ले पराजित मियामी समग्रमा ५-१ को हारसँगै च्याम्पियन्स कपबाट बाहिरिन पुगेको हो ।

बुधबारको खेलमा जोर्डी अल्बाले खेलको सुरुवाती समयमा गोल गर्दै खेलमा इन्टर मियामीलाई फर्काउनुभएको थियो । तर, मिडफिल्डर सबास्टियन बेर्हाल्टरले उत्कृष्ट प्रदर्शन गर्दै १ गोल र २ असिस्ट दिएपछि भान्कुभर जित दर्ता गर्न सफल रहृयो । दोस्रो सेमिफाइनलमा मेक्सिकोको क्रुज अजुल र टिग्रेस भिड्नेछन् । फाइनल जुन १ मा हुनेछ ।

यसैगरी पोर्चुगिज फरवार्ड क्रिस्टियानो रोनाल्डो सम्मिलित साउदी क्लब अल नासर एसियाली च्याम्पियन्स लिग एलिटबाट बाहिरिएको छ । यससँगै साउदी अरबमा ठूलो उपाधि जित्ने रोनाल्डोको पर्खाइ अझै लम्बिने भएको छ । बुधबार राती भएको सेमिफाइनलमा जापानी क्लब कावासाकी फ्रन्टेलसँग ३–२ गोल अन्तरले पराजित भएको हो ।

यो नतिजासँगै टोलीको फाइनल पुग्ने आशा समाप्त भएको छ । सेबास्टियन बर्हाल्टरले पनि भ्यान्कुभरका लागि गोल गर्नुभयो । दुई लेगको समग्र स्कोर ५-१ हुँदा भ्यान्कुभर अब जुन १ मा क्रुज अझुल वा टिग्रेस युएएनएएलसँग उपाधि भिडन्तमा खेल्नेछ ।

गत बिहीबार पहिलो लेगमा इन्टर मियामी २-० ले पराजित भएको थियो । मियामीलाई दोस्रो लेगमा कम्तीमा तीन गोलको अन्तरले जित्नुपर्ने अवस्था थियो । तर, त्यसको सम्भावना दोस्रो हाफको सुरुमै सकिएको थियो ।

खेलको नवौं मिनेटमा लुइस सुआरेजको पासमा जोर्डी आल्बाले मियामीका लागि यस सिजनको पहिलो गोल गर्दै अग्रता दिलाउनुभयो । यो पराजयसँगै मियामी मेसी युगमा पहिलोपटक लगातार तीन खेल हार्ने अवस्थाबाट गुज्रेको छ ।

बार्सिलोना र इन्टरको रोमाञ्चक बराबरी
युइएफए च्याम्यिन्स लिग फुटबलअन्तर्गत बुधबार राती भएको सेमिफाइनलको पहिलो लेगमा बार्सिलोना र इन्टर मिलानले बराबरी खेलेका छन् । एस्टाडी ओलिम्पिक लुइस कम्पनीसमा भएको प्रतिस्पर्धात्मक तथा रोमाञ्चक खेलमा स्पेनिस क्लब बार्सिलोना र इटालियन क्लब इन्टरले ३-३ गोलको बराबरी खेलेका हुन् ।

खेलमा घरेलु टोली बार्सिलोनाका लागि लामिन यामल र फेरान टोरेसले एक-एक गोल गर्दा एक गोल भने यान सोमरद्वारा आत्मघाती उपहार पाएको हो । पाहुना टोली इन्टरका लागि डेनजेल डम्फ्रिजले दुई तथा मार्कश थुरमले एक गोल गर्नुभयो ।

खेलको सुरुवाती पहिलो मिनेटमै थुरमले गोल गर्दै इन्टरलाई अग्रता दिलाउनुभएको थियो । डम्फ्रिजले २१औँ मिनेटमा इन्टरको अग्रता दोब्बर बनाउनुभयो । २-० ले पछि परेको अवस्थामा यामलले २४औँ मिनेटमा गोल गर्दै बार्सिलोनालाई खेलमा फर्काउनुभयो ।