काठमाडौं । फ्रेन्च क्लब पेरिस सेन्ट जर्मेन (पिएसजी) फिफा क्लब विश्वकपको अन्तिम १६ मा प्रवेश गरेको छ । सोमबार राती भएको समूह ‘बी’ को खेलमा अमेरिकी क्लब सिएटल साउन्डर्सलाई २-० ले हराउँदै पिएसजी समूह विजेता बनेर अगाडि बढेको हो । खेलमा सिएटलले एकपटक पनि लक्षित प्रहार गर्न सकेन ।
पिएसजीले पहिलो गोल खेलको ३५औँ मिनेटमा गरेको थियो । भिटिन्हाको प्रहार ख्विचा ख्वारात्स्खेलियाको शरीरमा लागेर गोलमा परिणत भएको थियो । ६६औँ मिनेटमा अफ्र्राच हकिमीले ब्राडली बारकोलाको पासमा गोल गर्नुभयो ।
समूह ‘बी’मा पिएसजीले एट्लेटिको मड्रिडसँग गोलअन्तरका आधारमा शीर्ष स्थान हासिल गर्यो । एट्लेटिकोले बोटाफोगोलाई १-० ले हराएको थियो । भिचा भारासखेलिया र अचरफ हाकिमीले पिएसजीका लागि गोल गर्नुभएको थियो । यसअघि एट्लेटिको मड्रिडमाथि ४-० को ठूलो जितले पनि पिएसजीको गोलअन्तर बलियो बनाएको थियो । यसै समूहको अर्को खेलमा बोटाफोगोलाई हराए पनि एट्लेटिको भने गोलअन्तरका आधारमा पछाडि रहँदै अघि बढ्न सकेन । अन्तिम समयमा एन्टोइन ग्रिज्मानको गोलबाट १-० को जित निकाले पनि एट्लेटिको बाहिरिँदा बोटाफोगो नै अघिल्लो चरणमा प्रवेश गरेको हो ।
पिएसजीसँगको फराकिलो हारले एट्लेटिकोको यात्रा समूह चरणमै टुंगिएको छ । समूह ‘बी’ मा पिएसजी, बोटाफोगो र एट्लेटिको मड्रिडको समान ६-६ अंक भएको छ । गोलअन्तरका आधारमा पिएसजी शीर्षमा, बोटाफोगो दोस्रोमा र एट्लेटिको तेस्रोमा रहेका हुन् ।
यसैगरी, इन्टर मियामी र पाल्मेइरास फिफा क्लब विश्वकपको अन्तिम १६ मा प्रवेश गरेका छन् । मंगलबार बिहान भएको समूह ‘ए’ अन्तर्गतको खेलमा दुवै टोलीले दुई-दुई गोलको बराबरी खेल्दै अंक बाँडे पनि दुवै टोली अघि बढेका हुन् ।
खेलमा दुई गोलको अग्रता लिए पनि मियामीले अन्तिमसम्म अग्रता जोगाउन नसक्दा जित भने निकाल्न सकेन । १६औँ मिनेटमा ताडियो एलेन्डेले गोल गर्दै मियामीलाई अग्रता दिलाउनुभएको थियो । ६५औँ मिनेटमा लुइस स्वारेजको गोलमा मियामीले अग्रता दोब्बर पारेको थियो । तर, ८०औँ मिनेटमा पाउलिन्हो र ८७औँ मिनेटमा माउरिसियोले गोल गर्दै पाल्मेइरासको हार टार्नुभयो । यो नतिजापछि समूह ‘ए’ मा दुवैको तीन खेलमा पाँच अंक भएको छ । दुवै टोली अन्तिम १४ मा प्रवेश गरे । यसै समूहको अर्को खेलमा पोर्टो र अल अहलीले चार–चार गोलको रोमाञ्चक बराबरी खेले । (एजेन्सी)
